Gautam Adani : गौतम अदानींना आणखी झटका! जगातील टॉप-10 श्रीमंताच्या यादीतून बाहेर, अंबानी 12 व्या स्थानावर

अमेरिकेतील हिंडेनबर्ग रिसर्च संस्थेने अदानी समुहावर घोटाळ्याचे आरोप केले आहेत. या आरोपामुळे शेअर मार्केटमध्ये मोठा गोंधळ निर्माण झाला आहे. अदानी समुहाचा मोठा तोटा झाला आहे. दरम्यान, आता जगातील टॉप-10 श्रीमंतीच्या यादीतही मोठा बदल झाला आहे. उद्योगपती गौतम अदानी यांचे नाव या यादीतून बाहेर पडले आहे.

हिंडेनबर्ग अहवाल समोर आल्यानंतर गौतम अदानी यांच्या संपत्तीत सर्वात मोठी घसरण झाली आहे.

हा अहवाल प्रकाशित होऊन फक्त एक आठवडा झाला आहे आणि ब्लूमबर्ग बिलियनेअर्स इंडेक्सनुसार, गौतम अदानी यांची एकूण संपत्ती 84.4 अब्ज डॉलर इतकी खाली आली आहे. इतक्या निव्वळ संपत्तीसह, अदानी आता जगातील 11 व्या क्रमांकाचे श्रीमंत व्यक्ती आहेत.

अहवालानुसार, हिंडेनबर्गचा अहवाल समोर आल्यानंतर अदानी समूहाच्या शेअर बाजारात लिस्टेड केलेल्या सातही कंपन्यांच्या शेअर्समध्ये झालेल्या घसरणीमुळे, अदानी समूहाच्या कंपन्यांचे एकूण मार्केट कॅप 5.5 लाखांनी वाढले आहे. अवघ्या तीन दिवसांत करोडो रुपयांची घट झाली आहे.

अदानी टोटल गॅस आणि अदानी ग्रीन एनर्जीच्या शेअर्समध्ये गेल्या चार दिवसांत सर्वाधिक 20 टक्क्यांपर्यंत घसरण झाली आहे. याशिवाय अदानी पोर्ट्सपासून ते अदानी विल्मारपर्यंत शेअर बाजारात लिस्ट झालेल्या त्यांच्या कंपन्यांचे शेअर्समध्ये घसरण झाली आहे अजूनही घसरण सुरूच आहे.

गेल्या आठवड्यापूर्वी अमेरिकेतील फॉरेन्सिक फायनान्शियल रिसर्च फर्म हिंडेनबर्गने आपला अहवाल प्रसिद्ध केला आहे. त्यात तो अदानीच्या कंपन्यांमध्ये शॉर्ट पोझिशनवर असल्याचे म्हटले आहे.

या अहवालात अदानी समूहाच्या सर्व कंपन्यांच्या अदानी समूहाच्या कर्जावरही प्रश्न उपस्थित करण्यात आले आहेत. 'अदानी समूहाच्या 7 मोठ्या लिस्ट केलेल्या कंपन्यांचे मूल्य 85 टक्क्यांपेक्षा जास्त आहे, असा अहवालात दावा करण्यात आला आहे. 'अदानी समूहाला 88 प्रश्न विचारण्यात आले आहेत. या अहवालामुळे भारतीय शेअर मार्केटमध्ये मोठा गोंधळ निर्माण झाला आहे. मात्र, अदानी समुहाने हे आरोप निराधार असल्याचे म्हटले आहे.

ब्लूमबर्ग बिलियनेअर्स इंडेक्सच्या ताज्या आकडेवारीनुसार, रिलायन्स इंडस्ट्रीजचे चेअरमन मुकेश अंबानी आता जगातील सर्वात श्रीमंत व्यक्तींच्या यादीत 12 व्या स्थानावर पोहोचले आहेत. त्यांची एकूण संपत्ती 82.2 अब्ज डॉलर आहे.

दोन्ही भारतीय उद्योगपतींच्या निव्वळ संपत्तीतील फरक किरकोळ राहिला आहे. गौतम अदानी आणि मुकेश अंबानी यांच्या संपत्तीत आता 2.2 अब्ज डॉलर्सचे अंतर आहे. गेल्या वर्षी 2022 मध्ये गौतम अदानी जगातील सर्व श्रीमंत लोकांच्या तुलनेत सर्वाधिक कमाई करणारे व्यक्ती म्हणून समोर आले होते.

उद्योगपती गौतम अदानी गेल्या वर्षी 2022 मध्ये श्रीमंताच्या यादीमुळे चांगलेच चर्चेत होते. या वर्षाच्या पहिल्या महिन्यात सर्वाधिक मालमत्ता गमावण्याच्या बाबतीत अदानी समूहाच्या अध्यक्षांचे नाव आघाडीवर आहे. एका महिन्यातच त्यांचे 36.1 अब्ज डॉलर्सचे नुकसान झाले आहे.