बिस्किटं आणि इलेक्ट्रॉनिक्स वस्तूंच्या किमती कमी कशा झाल्या? नेमकं काय झालं? खरं कारण जाणून घ्या...

गेल्या काही आठवड्यांत वस्तूंच्या किमती काही प्रमाणात कमी झाल्या आहेत. यामागची कारणं समजून घेऊयात...

गेल्या काही आठवड्यांत वस्तूंच्या किमती काही प्रमाणात कमी झाल्या आहेत. यामुळे रोज लागणाऱ्या आणि टीव्ही-फ्रिज यांसारख्या वस्तू बनवणाऱ्या कंपन्यांनी सवलत देत ग्राहकांना फायदा देण्यास सुरुवात केली आहे. अचानक किमती का कमी झाल्या ते जाणून घेऊ..

ग्राहकांना दिलासा?

सणासुदीचा काळ लक्षात घेऊन मोबाईल, टीव्ही, लॅपटॉप, कपडे आणि इतर दैनंदिन जीवनावश्यक वस्तूंवर कंपन्यांनी सवलत देण्यास सुरुवात केली आहे. यामुळे महागाईने त्रस्त असलेल्या ग्राहकांना काही अंशी दिलासा मिळाला आहे.

नेमके काय झाले?

वाढत्या महागाईने मोठ्या प्रमाणावर माल पडून राहिल्याने कंपन्यांवर दबाव वाढला आहे. त्यामुळे कंपन्यांनी एंट्री-लेव्हल इलेक्ट्रॉनिक्स उत्पादनांच्या किमती कमी केल्या आहेत आणि त्यावर सवलत देण्यास सुरुवात केली आहे. सणासुदीच्या काळात सवलतींमुळे त्यांची विक्री वाढेल अशी कंपन्यांची अपेक्षा आहे.

८०% गेल्या दोन-तीन महिन्यांत भारतात इलेक्ट्रॉनिक्स सुट्या भागांसह सेमीकंडक्टर चिपच्या किमती कमी झाल्या आहेत. २५%मोबाईल आणि लॅपटॉप सारख्या गॅझेट्सची किंमत गेल्या दोन वर्षांत वाढली २०% इलेक्ट्रॉनिक आणि इतर ग्राहकोपयोगी वस्तूंच्या किमती उतरण्याची शक्यता. २०% ते ५० टक्क्यांपर्यंत एफएमसीजी कंपन्यांच्या एकूण उत्पादन खर्चात कपात झाली. पाम तेल स्वस्त झाल्याचा कंपन्यांना फायदा झाला.

कोणती वस्तू किती स्वस्त?

सॅमसंग, एलजी व सोनी सारख्या कंपन्यांनी टीव्हीच्या किमतीमध्ये ५ ते १० टक्क्यांनी कपात केली आहे. तर ते रेफ्रिजरेटर आणि वॉशिंग मशीनवर ५ ते १०% सूट देत आहेत. लॅपटॉपवर २ हजारांची सूट देण्यात येत आहे. कंपन्या स्मार्टफोन खरेदीवर ४-५% सूट देत आहेत. खाद्यतेलाच्या किमती १५ ते २० टक्क्यांनी कमी झाल्यामुळे कंपन्यांनीही बिस्किटांच्या किमती १० ते १५ टक्क्यांनी कमी केल्या आहेत.