Post Office ची 'ही' स्कीम देईल दुप्पट रिटर्न; 5 लाखांचे होतील 10 लाख, जाणून घ्या कसे?

Post Office : ही पोस्ट ऑफिसची (Post Office) किसान विकास पत्र (Kisan Vikas Patra KVP) योजना आहे.

नवी दिल्ली : आज आम्ही तुम्हाला अशाच एका योजनेबद्दल सांगणार आहोत, जिथे तुमचे पैसे सुरक्षित राहतील आणि तुम्हाला मॅच्युरिटीनंतर डबल रिटर्नही मिळेल.

ही पोस्ट ऑफिसची (Post Office) किसान विकास पत्र (Kisan Vikas Patra KVP) योजना आहे. किसान विकास पत्र ही भारत सरकारची एक वेळ गुंतवणूक योजना (one time investment scheme) आहे, जिथे निश्चित कालावधीत आपले पैसे दुप्पट होतात.

किसान विकास पत्र योजना देशातील सर्व पोस्ट ऑफिसेस आणि मोठ्या बँकांमध्ये उपलब्ध आहे. या योजनेची मॅच्युरिटी कालावधी सध्या 124 महिने आहे. यामध्ये किमान गुंतवणूक 1000 रुपये आहे.

कोणतीही जास्त गुंतवणूकीची मर्यादा नाही. ही योजना विशेषता शेतकऱ्यांसाठी तयार केली गेली आहे, जेणेकरून ते त्यांचे पैशावर दीर्घकाळ बचत करू शकतील.

किती मिळेल व्याज?

किसान विकास पत्र योजनेसाठी आर्थिक वर्ष 2021 च्या पहिल्या तिमाहीत व्याज दर 6.9 टक्के निश्चित करण्यात आला आहे. येथे आपली गुंतवणूक 124 महिन्यांत दुप्पट होईल. जर तुम्ही पाच लाख रुपयांची गुंतवणूक एकरकमी केली तर तुम्हाला मॅच्युरिटीवर 10 लाख रुपये मिळतील.

हजार रुपयांची किमान गुंतवणूक?

या योजनेत तुम्हाला किमान एक हजार रुपयांची गुंतवणूक करावी लागेल. तसेच, जास्तीत जास्त गुंतवणूकीलाही मर्यादा नाही. हे एका सर्टिफिकेट स्वरूपात मिळेल, ज्यामध्ये 1000, 2000, 5000, 10000 आणि 50000 रुपयांपर्यंतची सर्टिफिकेट दिली जातात. यात तुम्हाला सरकारची हमी मिळते.

कोण उघडू शकते खाते?

किसान विकास पत्र सर्टिफिकेट कोणत्याही एक प्रौढ व्यक्ती, जास्तीत जा, संयुक्त खात्यात जास्तीत जास्त तीन प्रौढांद्वारे, दहा वर्षांपेक्षा कमी वयाच्या मुलांसाठी खरेदी केले जाऊ शकते. या व्यतिरिक्त, हे एखाद्या प्रौढ व्यक्तीकडून अल्पवयीन व कमकुवत मनाच्या व्यक्तीच्या वतीने खरेदी केले जाऊ शकते.

कसे उघडू शकता खाते?

किसान विकास पत्र योजनेसाठी पोस्ट ऑफिसला जावे लागेल. अर्जदाराकडे ओळखपत्र पुरावा म्हणून आधार कार्ड, पॅनकार्ड, मतदार ओळखपत्र, ड्रायव्हिंग लायसन्स किंवा पासपोर्ट असावे. या योजनेत खाते सिंगल आणि जॉइंट दोन्ही पद्धतीने उघडता येते. तसेच, पालक आपल्या लहान मुलासाठी खाते उघडू शकतात.