ट्रेनचे तिकिट बुकिंग विनामूल्य! जाणून घ्या, SBI-IRCTC कार्डचे १० शानदार फायदे!!

भारतीय स्टेट बँक (एसबीआय) आणि इंडियन रेल्वे केटरिंग अँड टुरिझम कॉर्पोरेशन लिमिटेड (आयआरसीटीसी) यांनी एकत्रितपणे एक नवीन सुविधा सुरू केली आहे. एसबीआय आणि आयआरसीटीसी यांनी संयुक्तपणे क्रेडिट कार्ड सुरू केले आहे.

या कार्डद्वारे आपण रेल्वेची तिकिटेही विनामूल्य बुक करू शकता. रुपे प्लॅटफॉर्मवर लाँच झालेल्या या कार्डचे नाव आहे 'आयआरसीटीसी एसबीआय प्लॅटिनम कार्ड'. या कार्डचे बरेच फायदे आहेत. रेल्वेच्या म्हणण्यानुसार हे कार्ड प्रवाशांच्या पैशाची बचत करण्याचे उत्तम साधन असणार आहे.

१) आयआरसीटीसीच्या मते, या कार्डवर शॉपिंग केल्यानंतर बंपर सूट मिळणार आहे. हे कार्ड अॅक्टिव्ह केल्यानंतर आपल्याला ३५० रिवॉर्ड मिळतील. ज्याचा उपयोग आयआरसीटीसी वेबसाइटवर विनामूल्य तिकिट बुक करण्यासाठी केला जाऊ शकतो.

२) ग्राहकांना एसी -१, एसी -२, एसी-3 आणि एसी-सीसी प्रकारात तिकिट बुकिंगसाठी १०% व्हॅल्यू बॅक मिळेल. ही व्हॅल्यू बॅक रिवॉर्ड पॉइंट्समध्ये मिळतील. याशिवाय तिकीट बुकिंगच्या भाड्यावर १ टक्के सवलतही मिळणार आहे.

३) आयआरसीटीसी एसबीआय प्लॅटिनम कार्डवर मिळालेल्या १ रिवॉर्ड पॉइंटची व्हॅल्यू १ रुपयाच्या बरोबर असेल.

४) खरेदीसाठी, हॉटेलची बिले भरण्यासाठी आणि प्रवासादरम्यान प्रवास करण्यासाठी आपण हे कार्ड वापरू शकता. इंधन वगळता या कार्डद्वारे आपण ज्या वस्तू खरेदी करता त्यामध्ये १२५ रुपयांच्या पेमेंटवर आपल्याला एक रिवॉर्ड पॉइंट मिळेल. म्हणजेच, १२५ रुपये खरेदी केल्यावर तुम्हाला १ रुपयाचा रिवॉर्ड पॉइंट मिळणार आहे.

५) आयआरसीटीसी वेबसाइटवरून तिकिट बुकिंग करताना तिकिट बुकिंग किंवा शॉपिंगद्वारे मिळविलेले रिवॉर्ड पॉइंट्स कॅश केले जाऊ शकतात. जर तुमचा रिवॉर्ड पॉइंट तुमच्या तिकिट शुल्काइतका असेल तर तुम्ही तुमचे तिकीट विनामूल्य बुक करू शकता.

६) या कार्डद्वारे तिकिट बुक करुन प्रवास करणार्‍या प्रवाशांना ट्रान्जक्शन चार्जवर सवलत मिळेल. म्हणजेच, तिकिट बुकिंग करताना झालेल्या ट्रान्जक्शन चार्जवर १.८ टक्क्यांपर्यंत सूट मिळणार आहे.

७) हे कार्ड वापरुन आपण इंधन म्हणजे पेट्रोल-डिझेल देखील खरेदी करू शकता. या कार्डमधून पेट्रोल आणि डिझेल खरेदीवर इंधन अधिभार आकारला जाणार नाही.

८) हे कार्ड वैयक्तिक विमा संरक्षणासाठी वापरत असलेल्या ग्राहकांना कॉम्प्लीमेंट्री अपघात विमा संरक्षण मिळेल. यानुसार जर प्रवाश्याचा ट्रेन अपघातात मृत्यू झाला तर त्याच्या कुटुंबाला दहा लाख रुपयांचा विमा संरक्षण निधी मिळेल.

९) या कार्डच्या सहाय्याने तुम्हाला वेगवेगळ्या प्लॅटफॉर्मवर खरेदी करण्यात मोठी सूट मिळू शकते. उदाहरणार्थ, बिगबास्केट आणि Ajio इत्यादीवर खरेदी करणे किंवा Medlifeवरील औषधे खरेदी केल्यास ग्राहकांना चांगली सूट मिळेल.

१०) या कार्डच्या माध्यमातून आपल्याला 'रेल रेसिपी' मधून ट्रेनमध्ये जेवण मागविण्यावर ५० टक्क्यांपर्यंत सूट मिळू शकते.