Jio Plan: ८९९ रुपयांमध्ये ३३६ दिवसांपर्यंत चालेल हा जिओचा सर्वात स्वस्त प्लॅन; रिचार्च करण्यापूर्वी पाहा

Jio Recharge Plans: पाहा रिलायन्स जिओच्या या स्वस्त प्लॅनमध्ये कोणते मिळतात बेनिफिट्स.

Jio 336 Days Plan: सध्या सर्वच कंपन्या आपले ग्राहक टिकवण्यासाठी, तसंच नव्या ग्राहकांना आपल्याकडे आकर्षित करण्यासाठी नवनव्या ऑफर्स आणत आहेत.

जर तुम्ही ३३६ दिवसांच्या प्लॅनबद्दल विचार करत असाल तर ही बातमी नक्कीच तुमच्यासाठी आहे. यामध्ये आपण ९०० रुपयांपेक्षा कमी किंतमीच्या रिलायन्स जिओच्या ३३६ रुपयांच्या प्लॅनबद्दल माहिती घेणार आहोत.

या Jio प्रीपेड प्लॅनमध्ये 28 दिवसांसाठी 2 GB डेटा दिला जातो आणि अशा प्रकारे तुम्हाला एकूण 12 सायकल्सपर्यंत डेटा मिळत राहील. 12 सायकल्ससाठी प्रत्येक वेळी 2 GB डेटानुसार, या प्लॅनमध्ये कंपनी तुम्हाला एकूण 24 GB डेटा ऑफर करते.

यासोबतच कोणत्याही नेटवर्कवर अनलिमिटेड व्हॉइस कॉलिंग आणि 50 एसएमएस 28 दिवसांसाठी देण्यात येतील. त्याचप्रमाणे, प्रत्येक सायकलमध्ये तुम्हाला 2 जीबी डेटासह 50 एसएमएस मिळत राहणार आहेत.

जर आपण या जिओ रिचार्ज प्लॅनच्या वैधतेबद्दल सांगायचं झालं तर या प्लॅनमध्ये 28 दिवसांची वैधता असलेले एकूण 12 प्लॅन उपलब्ध आहेत. तर त्यानुसार, या प्लॅनमध्ये एकूण 336 दिवसांची वैधता मिळते.

या प्लॅनसह, Jio Tv, Jio Cinema व्यतिरिक्त ग्राहकांना अन्य Jio अॅप्सचं मोफत अॅक्सेसही देण्यात येतं. दरम्यान, एक महत्त्वाची बाब म्हणजे हा एक Jio Phone Plan आहे, जो केवळ जिओ फोन युझर्ससाठी तयार करण्यात आलाय.