LICची जबरदस्त पॉलिसी; 233 रुपयांच्या गुंतवणुकीवर मिळवा 17 लाख रुपयांचा परतावा

LICच्या जीवन लाभ पॉलिसीत तुम्हाला टॅक्सवरही मोठी सूट मिळेल. जाणून घ्या या पॉलिसीची संपूर्ण माहिती...

LIC आपल्या ग्राहकांसाठी अनेक उत्तम योजना देत असते. तुम्ही सुरक्षित गुंतवणुकीसह लक्षाधीश होण्याचे स्वप्न पाहत असाल, तर ही एलआयसी पॉलिसी तुमच्यासाठी खूप उपयुक्त आहे.

LIC जीवन लाभ योजना ही एक अशी पॉलिसी आहे, ज्यामध्ये तुम्ही दरमहा फक्त 233 रुपये जमा करुन 17 लाखांचा निधी मिळवू शकता. जाणून घ्या या योजनेबद्दल...

एलआयसी जीवन लाभ ही एक नॉन-लिंक्ड पॉलिसी असल्यामुळे या पॉलिसीचा शेअर बाजाराशी कोणताही संबंध नाही. बाजार वर गेला किंवा खाली आला, त्याचा तुमच्या पैशांवर अजिबात परिणाम होणार नाही.

म्हणजेच या योजनेत तुमचे पैसे पूर्णपणे सुरक्षित आहेत. ही मर्यादित प्रीमियम योजना आहे. मुलांचे लग्न, शिक्षण आणि मालमत्तेची खरेदी लक्षात घेऊन ही योजना करण्यात आली आहे.

LIC ची जीवन लाभ योजना नफा आणि संरक्षण दोन्ही देते. 8 ते 59 वर्षे वयोगटातील लोक ही पॉलिसी सहज घेऊ शकतात.

पॉलिसीची मुदत 16 ते 25 वर्षांपर्यंत घेतली जाऊ शकते. या पॉलिसीत 2 लाख रुपयांची किमान विमा रक्कम घेणे आवश्यक आहे, कमाल रकमेवर मर्यादा नाही.

या पॉलिसीत 3 वर्षांचा प्रीमियम भरल्यावर कर्जाची सुविधा देखील उपलब्ध आहे. प्रीमियमवर कर सूट आणि पॉलिसी धारकाच्या मृत्यूवर, नॉमिनीला विमा रक्कम आणि बोनसचे फायदे मिळतात.

यात नॉमिनीला डेथ सम अॅश्युअर्ड, सिंपल रिव्हर्शनरी बोनस आणि अंतिम अतिरिक्त बोनस डेथ बेनिफिट म्हणून मिळतो. म्हणजेच, नॉमिनीला अतिरिक्त विम्याची रक्कम मिळेल.