Multibagger Stock : दीड महिन्यांत दुप्पट झाले पैसे; 'या' सरकारी कंपनीच्या शेअरनं केली गुंतवणूकदारांची चांदी

Multibagger Stock : एका सरकारी कंपनीने यावर्षी आपल्या गुंतवणूकदारांना (Investors) जोरदार रिटर्न्स दिले आहेत.

Multibagger Stock : एका सरकारी कंपनीने (Government Company) यावर्षी आपल्या गुंतवणूकदारांना (Investors) जोरदार रिटर्न्स दिले आहेत. या सरकारी कंपनीच्या शेअर्सने दीड महिन्यात गुंतवणूकदारांचे पैसे जवळपास दुप्पट केले आहेत.

या सरकारी कंपनीचं नाव गुजरात मिनरल डेव्हलपमेंट कॉर्पोरेशन लिमिटेड (GMDC) आहे. कंपनी खनिज आणि लिग्नाइट खाण व्यवसायात कार्यरत असून या कंपनीचे मार्केट कॅप 4,500 कोटी रुपयांच्या जवळपास आहे.

ही कंपनी गुजरात सरकारच्या (Gujrat Government) मालकीची असून कंपनीच्या शेअर्सचा 52 आठवड्यांचा उच्चांक 151.95 रुपये इतका आहे. गेल्या दीड महिन्यांच्याच कालावधीत कंपनीनं आपल्या गुंतवणूकदारांना मालामाल केलंय.

गुजरात मिनरल डेव्हलपमेंट कॉर्पोरेशन (GMDC) चे शेअर्स 3 जानेवारी 2022 रोजी बॉम्बे स्टॉक एक्सचेंजमध्ये 73.75 रुपये होते. 16 फेब्रुवारी 2022 रोजी कंपनीचे शेअर्स बीएसईवर 142.25 रुपयांवर बंद झाले.

या दीड महिन्यात कंपनीच्या शेअर्सनं सुमारे 93 टक्के परतावा दिला आहे. ही कंपनी १९९९ मध्ये शेअर बाजारावर लिस्ट झाली होती.

जर एखाद्या व्यक्तीने या वर्षी 3 जानेवारी रोजी कंपनीच्या शेअर्समध्ये 1 लाख रुपये गुंतवले असते आणि आपली गुंतवणूक कायम ठेवली असती, तर १६ फेब्रुवारीच्या मूल्यानुसार हे पैसे सुमारे 1.93 लाख रुपये झाले असते.

म्हणजेच दीड महिन्यात गुंतवलेले पैसे जवळपास दुप्पट झाले असते. परंतु गुरुवारी कंपनीच्या शेअरमध्ये 2.14 टक्क्यांची घसरण झाली आणि शेअर 139.50 रुपयांवर बंद झाले.

22 सप्टेंबर 2000 रोजी गुजरात मिनरल डेव्हलपमेंट कॉर्पोरेशनचे शेअर्स BSE वर 3 रुपयांच्या पातळीवर होते. 16 फेब्रुवारी 2022 रोजी कंपनीचे शेअर्स 142.25 रुपयांवर बंद झाले.

जर एखाद्या व्यक्तीने 22 सप्टेंबर 2000 रोजी कंपनीच्या शेअर्समध्ये 1 लाख रुपये गुंतवले असतील आणि आपली गुंतवणूक कायम ठेवली असेल तर या पैशाचे सध्याचे मूल्य 47.41 लाख रुपये झाले असते. GMDC समभागांचा 52 आठवड्यांचा नीचांकी स्तर 52 रुपये आहे.