Mukesh Ambani:मुकेश अंबानी यांनी न्यूयॉर्कमध्ये खरेदी केले 728 कोटी रुपयांचे आलिशान हॉटेल
By ऑनलाइन लोकमत | Published: January 9, 2022 03:05 PM2022-01-09T15:05:00+5:302022-01-09T15:11:42+5:30
Ambani Buys New York Luxury Hotel: मुकेश अंबानी यांची ही एका वर्षातील दुसरी मोठी खरेदी आहे. अंबानींनी यापूर्वी लंडनचा कंट्री क्लब आणि गोल्फ रिसॉर्ट स्टोक पार्क खरेदी केला आहे.
भारतातील सर्वात श्रीमंत व्यक्ती आणि अब्जाधीश उद्योगपती मुकेश अंबानी (Mukesh Ambani) यांनी एका वर्षाच्या आत आणखी एक हॉटेल खरेदी केले आहे.
मुकेश अंबानींनी यापूर्वी लंडनचा कंट्री क्लब आणि गोल्फ रिसॉर्ट स्टोक पार्क विकत घेतला होता. तर आता त्यांनी न्यूयॉर्कचे लक्झरी मँडरीन ओरिएंटल हॉटेल खरेदी केले आहे.
रिलायन्स इंडस्ट्रीज लिमिटेड(Reliance Industries Limited) ने 728 कोटी($9.81 कोटी) मध्ये न्यूयॉर्कमधील प्रतिष्ठित लक्झरी हॉटेल 'मँडेरीन ओरिएंटल'ची खरेदी केली आहे.
2003 मध्ये बांधलेले मँडरीन ओरिएंटल हे 80 कोलंबस, न्यूयॉर्क सर्कल येथे स्थित एक प्रतिष्ठित लक्झरी हॉटेल आहे. सेंट्रल पार्क आणि कोलंबस सर्कलच्या अगदी शेजारी हे हॉटेल आहे.
रिलायन्सने एका वर्षापेक्षा कमी कालावधीत केलेली ही हॉटेलची दुसरी खरेदी आहे. गेल्या वर्षीच मुकेश अंबानी यांनी ब्रिटनचे पहिला आयकॉनिक कंट्री क्लब आणि गोल्फ रिसॉर्ट स्टोक पार्कला £57 मिलियन पाउंड म्हणजेच 592 कोटी रुपयांत खरेदी केले होते.
रिलायन्स इंडस्ट्रीज लिमिटेड (RIL) च्या मालकीची उपकंपनी असलेल्या रिलायन्स इंडस्ट्रियल इन्व्हेस्टमेंट्स अँड होल्डिंग्स लिमिटेड (RIIHL) ने आज कोलंबस सेंटर कॉर्पोरेशनचे संपूर्ण जारी केलेले शेअर्स अंदाजे $9.81 कोटी इक्विटी रिटर्नवर जारी केले आहेत, असे कंपनीने सांगितले आहे.
ही कंपनी केमॅन आयलंड्समध्ये असून, कंपनीचे मँडरीन ओरिएंटलमध्ये अप्रत्यक्षपणे 73.37 टक्के शेअर्स आहेत. मँडरीन ओरिएंटल हे न्यूयॉर्क शहरातील प्रतिष्ठित लक्झरी हॉटेल्सपैकी एक आहे.
मुंबईत कन्व्हेन्शन सेंटर्स, हॉटेल्स आणि व्यवस्थापित निवास व्यवस्था विकसित करण्याव्यतिरिक्त रिलायन्सची सध्या EIH Ltd मध्ये गुंतवणूक आहे.