Multibagger Stock: ₹१२ वरून पोहोचला ₹१०६ वर, गुंतवणूकदारांची चांदी; मिळाला छप्परफाड रिटर्न

असे अनेक शेअर्स आहेत ज्यांनी गुंतवणूकदारांना सातत्याने बंपर परतावा दिला आहे.

जर तुम्ही शेअर मार्केटमध्ये योग्य स्टॉकमध्ये पैसे गुंतवले तर तुम्हाला श्रीमंत होण्यापासून कोणीही रोखू शकत नाही. असे अनेक शेअर्स आहेत ज्यांनी गुंतवणूकदारांना सातत्याने बंपर परतावा दिला आहे.

बाजारात घसरण झाली असली तरी या शेअर्सनी गुंतवणूकदारांची निराशा केलेली नाही. आज आम्ही तुम्हाला अशाच एका बंपर शेअरबद्दल सांगणार आहोत. या समभागाने गुंतवणूकदारांना आश्चर्यकारक परतावा दिला आहे.

या शेअरमध्ये पैसे गुंतवणारे गुंतवणूकदार श्रीमंत झाले आहेत. गेल्या तीन वर्षांत, या शेअरने गुंतवणूकदारांना 740 टक्क्यांचा मजबूत परतावा दिला आहे. गेल्या 20 वर्षात या शेअरनं गुंतवणूकदारांच्या संपत्तीत जवळपास 85 पट वाढ केली आहे.

गुंतवणूकदारांना बंपर परतावा देणारा हा स्टॉक किलबर्न इंजिनिअरिंग लिमिटेडचा आहे. या कंपनीचे बाजारमूल्य 382.44 कोटी रुपये आहे. ही एक स्मॉलकॅप कंपनी आहे. किलबर्न अभियांत्रिकी औद्योगिक उत्पादनं तयार करण्याच्या व्यवसायात कार्यरत आहे.

तीन वर्षांपूर्वी आजच्याच दिवशी, किलबर्न इंजिनिअरिंगचे शेअर्स बीएसईवर 12.55 रुपयांवर व्यवहार करत होते. दुसरीकडे, गेल्या शुक्रवारी म्हणजेच 5 मे 2023 रोजी कंपनीचे शेअर्स 106.05 रुपयांवर बंद झाले. या कालावधीत किलबर्न इंजिनिअरिंगच्या शेअर्समध्ये 745 टक्क्यांनी वाढ झाली आहे.

एखाद्याने तीन वर्षांपूर्वी किलबर्न इंजिनिअरिंगच्या शेअर्समध्ये 1 लाख रुपयांची गुंतवणूक केली असती तर त्याला आज 8.45 लाख रुपयांपेक्षा जास्त परतावा मिळाला असता. गेल्या तीन वर्षांत शेअरची किंमत 745 टक्क्यांनी वाढली आहे.

दीर्घ मुदतीसाठी गुंतवणूक करणाऱ्यांना उत्कृष्ट परतावा मिळाला आहे. दरम्यान, Kilburn Engineering चे शेअर्स 21 वर्षांपूर्वी BSE वर लिस्ट झाले होते. तेव्हा कंपनीच्या शेअर्सची किंमत 1.24 रुपये होती. गेल्या 21 वर्षात, शेअरच्या किमतीने सुमारे 8450 टक्के इतका जबरदस्त परतावा दिला आहे.