फिरायला जाण्याचा प्लॅन करताय? ट्रॅव्हल तिकिटाच्या पैशात विमानाने फिरा; एअर इंडियाने आणली ऑफर

air india flight sale : एअर इंडियाने अ‍ॅप फेस्ट सुरू केला आहे. ही योजना १५ जानेवारीपासून सुरू झाली असून ती २१ जानेवारी 2025 पर्यंत चालणार आहे.

जर तुम्ही विमानाने कुठे जाण्याचे नियोजन करत असाल तर तुमच्यासाठी चांगली संधी चालून आली आहे. टाटा समूहाची विमान कंपनी एअर इंडियाने आपली पहिली अ‍ॅप फेस्ट ऑफर जाहीर केली आहे. यामध्ये प्रवाशांना एअर इंडियाच्या अधिकृत मोबाइल ॲपद्वारे (iOS आणि Android) फ्लाइट बुकिंगवर सूट आणि फायदे मिळतील. यात तुम्हाला विमान तिकिट आणि इतर सुविधांवर भरघोस सवलत मिळणार आहे.

एअर इंडिया अ‍ॅप फेस्ट १५ जानेवारी २०२५ पासून दुपारी १२:०१ ते २१ जानेवारी २०२५ रोजी रात्री ११:५९ पर्यंत सुरू राहील. प्रवासाच्या तारखांवर कोणतेही बंधन नाही. एअर इंडिया अ‍ॅप फेस्ट दरम्यान, प्रवासी विविध फायदे एकत्रित करून भाड्यात २०% पर्यंत सूट घेऊ शकतात.

प्रोमो कोडसह १०% पर्यंत सूट : प्रवासी एअर इंडिया मोबाईल अ‍ॅपद्वारे बुकिंग करताना प्रोमो कोड APPFEST वापरून सर्व-समावेशक भाड्यावर १०% पर्यंत सूट मिळवू शकतात.

सुविधा शुल्क नाही: एअर इंडियाने अ‍ॅप फेस्ट दरम्यान मोबाइल ॲप बुकिंगवरील सुविधा शुल्क माफ केले आहे. देशांतर्गत बुकिंगवर प्रवासी ३९९ रुपये सुविधा शुल्क वाचवू शकतात.

एअर इंडियाने प्रवाशांसाठी अनेक पेमेंट ऑफर आणि इतर सवलतीही उपलब्ध करून दिल्या आहेत. प्रत्येक बँक ऑफरची विशिष्ट वैधता असते. एअर इंडिया मोबाइल अ‍ॅप व्यतिरिक्त, ते अधिकृत वेबसाइटवर देखील उपलब्ध आहे. अ‍ॅप फेस्ट कोड वापरून प्रवासी सवलत मिळवू शकतात किंवा खाली दिलेल्या कोणत्याही पेमेंट ऑफरचा लाभ घेऊ शकतात. पेमेंट ऑफर HDFC बँक, ICICI बँक, फेडरल बँक आणि बँक ऑफ बडोदा यांच्या कार्डांवर उपलब्ध आहे.