Post Office RD आणि Bank RD, चांगल्या परताव्यासाठी कोणती सर्वात बेस्ट? जाणून घ्या...

ज्यांना कमी जोखमीत चांगला परतावा हवा आहे, त्यांना RD चांगला पर्याय आहे.

Recurring Deposit: सध्याच्या काळात गुंतवणुकीचे अनेक मार्ग आहेत. पण, आजही अनेकांना जोखमी नसलेली गुंतवणूक हवी असते. जोखीम नसलेली चांगली गुंतवणूक FD आणि RDमध्ये होते. बँकेतही तुम्हाला आरडीची(रिकरिंग डिपॉझिट) सुविधा मिळते. बँकेशिवाय पोस्ट ऑफिसमध्येही आरडीची सुविधा उपलब्ध आहे.

RD- कमी जोखमीच्या गुंतवणुकीला प्राधान्य देणार्‍या गुंतवणूकदारांसाठी, तसेच जे पहिल्यांदाच योजनेत पैसे जमा करत आहेत, त्यांच्यासाठी आरडी एक चांगला पर्याय आहे. जर तुम्ही आरडी खाते उघडण्याचा विचार करत असाल आणि पोस्ट ऑफिस आरडी उघडायचे की बँक आरडी... आम्ही तुम्हाला दोन्हीमधील फरक सांगणार आहोत.

पोस्ट ऑफिस RD- पोस्ट ऑफिसमध्ये आरडी योजना मिळते. पोस्ट ऑफिस सरकारी-समर्थित बचत योजना ऑफर करते. पोस्ट ऑफिसच्या आरडीची रचना मध्यम मुदतीची बचत योजना म्हणून करण्यात आली आहे. ठेवीदारांना त्यांची गुंतवणूक या योजनेत किमान पाच वर्षे ठेवावी लागेल.

फायदे- पोस्ट ऑफिस आरडी ही 5 वर्षांच्या कालावधीसाठी मासिक निश्चित गुंतवणूक आहे. पोस्ट ऑफिस खाते लहान गुंतवणूकदारांना दरमहा रु 100 आणि रु 10 च्या पटीत गुंतवणूक करू देते. दोन प्रौढ व्यक्तीदेखील संयुक्त खाती उघडू शकतात. खाते उघडण्यासाठी अल्पवयीन व्यक्तीचे नाव देखील वापरले जाऊ शकते.

एकापेक्षा जास्त खाती देखील उघडता येतात. तुम्ही मासिक गुंतवणूक करण्यात अयशस्वी झाल्यास, तुमच्याकडून प्रत्येक 100 रुपयांसाठी 1 रुपये डीफॉल्ट शुल्क आकारले जाते. एका वर्षानंतर, खात्यातील शिल्लक 50% पर्यंत अंशतः पैसे काढण्याची परवानगी आहे.

बँक RD- बँकेतही तुम्हाला आरडीची सुविधा मिळते. यात ग्राहकांना नियमित ठेवी ठेवण्यास आणि वाजवी परतावा मिळवता येतो. आरडी एका बँकेतून दुसऱ्या बँकेत हस्तांतरित करणे शक्य आहे. किमान ठेव कालावधी सहा महिने आणि कमाल ठेव कालावधी दहा वर्षे आहे.

व्याज दर FD वर ऑफर केलेल्या सारखाच असतो आणि त्यामुळे इतर कोणत्याही बचत योजनेपेक्षा जास्त असतो. आरडी ठेवींवर कर्ज घेण्याचा पर्याय देखील आहे. खातेदाराला ठेव रकमेच्या 80 ते 90% पर्यंत कर्ज दिले जाऊ शकते. अशा परिस्थितीत, पोस्ट ऑफिस आरडी आणि बँक आरडीची वैशिष्ट्ये लक्षात घेऊन, तुम्ही स्वत: साठी सर्वोत्तम आरडी निवडू शकता.