अचानक 10%ने वाढला 51 रुपयांचा 'हा' शेअर, मे महिन्यात अदानींनी खरेदी केली कंपनी

मे महिन्यात गौतम अदानी यांनी या कंपनीची मालकी मिळवल्यापासून कंपनीच्या शेअरमध्ये तेजी आली आहे.

शेअर बाजारात शुक्रवार विक्रीदरम्यान कोहिनूर फूड्सच्या शेअर्समध्ये (Kohinoor Foods Ltd) जोरदार खरेदी पाहायला मिळाली. कंपनीचे शेअर आज सूमारे 10%ने वाढले. हा शेअर सध्या 56.40 रुपयांवर व्यवहार करत आहे. विशेष म्हणजे, यावर्षी मे महिन्यात गौतम अदानी यांनी ही कंपनी खरेदी केली होती.

हा करार झाल्यापासून कंपनीचे शेअर्स 35 ट्रेडिंग सेशन्समध्ये अपर सर्किटमध्ये आहेत. परंतू, नंतर काहीकाळ विक्रीही झाली. विशेष म्हणजे, कोहिनूर फूड्सच्या शेअर्समध्ये अशावेळी तेजी पाहायला मिळत आहे, जेव्हा अदानी समूहाचे प्रतिस्पर्धी मुकेश अंबानी यांची मुलगी ईशा अंबानीने गुरुवारी 'independence' ब्रँड अंतर्गत FMCG सेक्टरमध्ये एन्ट्री घेतली आहे.

ही अदानी समूहासमोर एक मोठे आव्हान असणार आहे. दरम्यान, मे महिन्याच्या सुरुवातीला अदानी विल्मर लिमिटेड (AWL) ने मॅककॉर्मिक स्विट्जरलँड जीएमबीएचकडून दिग्गज कोहिनूर ब्रँडसह अनेक ब्रँड्सची खरेदीची घोषणा केली होती. कंपनीला भारतात कोहिनूर ब्रँड अंतर्गत रेडी टू कुक, रेडी टू ईट, करी और खाद्य पोर्टफोलियोसह कोहिनूर बासमती तांडूळ ब्रँडचे अधिकार मिळाले आहेत.

कोहिनूरची मालकी मिळवल्यानंतर FMCG कॅटेगरीमध्ये एडब्ल्यूएलची स्थिती आणखी मजबूत होईल. या करारानंतर एडब्ल्यूएल तांडूळ आणि इतर खाद्य व्यवसायांमध्ये तेजी घेईल. कारण कोहिनूर फूड्सची व्याप्ती खूप मोठी आहे. कोहिनूर निर्माण, व्यापार आणि मार्केटिंगच्या क्षेत्रात अग्रेसर आहे.

कंपनी जगभरातील ग्राहकांच्या गरजा भागवण्यासाठी मोठ्या प्रमाणात सप्लाय चेनची सुविधा देते. कोहिनूर फूड्सकडे बासमती तांदूळापासून ते खाण्यातील तयार करी, रेडीमेड ग्रेवी, कुकिंग पेस्ट, चटनी, मसाले आणि सीझनिंगपासून फ्रोजन ब्रेड, स्नॅक्स, धान्य, आणि खाद्य तेलापर्यंतची उत्पादने आहेत.

या मल्टीबॅगर स्टॉकने यावर्षी YTD मध्ये 627.74% चा परतावा दिला आहे. यादरम्यान शेअर 7.75 रुपयांनी वाढून 56.40 रुपयांवर आला. अदानींसोबत करार झाल्यापासून 2 मे महिन्यापासून आतापर्यंत या शेअरने 246 टक्के रिटर्न्स दिले आहेत.