दिवाळीच्या बोनसमध्ये खरेदी करताय? 'या' ४ टिप्स वापरल्या तर डोक्यावरील ओझं होईल हलकं

Diwali Bonus Uses : दिवाळी बोनसमध्ये खरेदी करण्यापेक्षा त्याचा जर स्मार्ट वापर केला तर तुमच्या डोक्यावरील कर्जाचं ओझं हलकं होईल.

दिवाळी निमित्ताने बहुतांश नोकरदारांना कंपनीकडून बोनस मिळाला मिळतो. तुम्हालाही दिवाळी बोनस मिळाला असेल तर तुम्ही त्याचा उपयोग कसा करता? बहुतेक लोक या बोनसमध्ये भरपूर खरेदी करतात. मात्र, हा विचार योग्य नाही. कारण, या दिवाळी बोनसचा योग्य वापर तुम्हाला माहीत नाही. या बोनसच्या पैशातून तुम्ही चांगले पैसे कमवू शकता. चला तुम्हाला दिवाळी बोनस वापरण्याचे स्मार्ट टिप्स जाणून घ्या.

लोनचे प्री-पेमेंट : दिवाळी बोनसचा वापर कोणत्याही प्रकारच्या लोनचे प्री-पेमेंट करण्यासाठी केला जाऊ शकतो. याचा फायदा असा होईल की यामुळे तुमच्या बँक कर्जाची मूळ रक्कम कमी होईल, ज्यामुळे भविष्यात EMI रक्कम कमी होईल.

मुलांच्या नावावर बँक एफडी : दिवाळी बोनसचा काही भाग किंवा संपूर्ण रक्कम बँकेच्या मुदत ठेवींमध्ये गुंतवता येते. तुम्हाला FD वर दरवर्षी चांगले व्याज मिळेल आणि ही रक्कम पुढील वर्षापर्यंत वाढेल. याशिवाय, ही वाढलेली रक्कम मुलांच्या शिक्षणासाठी आणि लग्नासाठी उपयुक्त ठरेल.

सोन्यात सुरक्षित गुंतवणूक : तुम्ही सोने खरेदीसाठी दिवाळी बोनस देखील वापरू शकता. सोन्यात गुंतवणूक करणे सर्वात फायदेशीर आणि सुरक्षित मानले जाते. विशेष म्हणजे या दागिन्यांमुळे छंद आणि गुंतवणूक या दोन्ही इच्छा पूर्ण होतात. दिवाळीच्या मुहूर्तावर सोने खरेदी करणे शुभ मानले जाते.

आपत्कालीन निधी : आयुष्यात कधी आणि कोणत्या टप्प्यावर तुम्हाला पैशाची गरज पडेल हे सांगता येत नाही. अशा परिस्थितीत, आपत्कालीन निधी असणे खूप महत्वाचे आहे. बोनस आपत्कालीन निधी म्हणून वेगळा ठेवता येईल.