या पॉवर शेअरमध्ये तुफान तेजी, ₹31 वर पोहोचलाय भाव; कंपनीही कर्जमुक्त! LIC कडे तब्बल 10 कोटी शेअर

शेअरमध्ये ही तेजी गेल्या जून तिमाहीच्या निकालामुळे आली आहे...

अनिल अंबानी यांच्या रिलायन्स पॉवरचा शेअर गेल्या काही सेशन्सपासून सातत्याने फोकसवर आहे. गेल्या शुक्रवारी कंपनीचा शेअर 5% पर्यंत वाढला आणि 31.25 रुपयांच्या इंट्रा डे उच्चांकावर पोहोचला होता.

शेअरमध्ये ही तेजी गेल्या जून तिमाहीच्या निकालामुळे आली आहे. खरे तर, जून तिमाहीमध्ये रिलायन्स पॉवरचा घाटा कमी झाला असून महसूल वाढला आहे.

जून तिमाहीचे परिणाम - रिलायन्स पॉवरचा जून 2024 ला संपलेल्या तिमाहीत एकूण तोटा 97.85 कोटी रुपयांपर्यंत कमी झाला आहे. कमाईत सुधारणा झाल्याने हा तोटा कमी झाल्याचे कंपनीने म्हटले आहे. यापूर्वी गेले आर्थिक वर्ष 2023-24 च्या एप्रिल-जून या कालावधीत कंपनीला 296.31 कोटी रुपयांचा तोटा झाला होता.

कंपनीने शेअर बाजाराला दिलेल्या महितीनुसार, या तिमाहीत त्याचे उत्पन्न 1,951.23 कोटी रुपयांवरून 2,069.18 कोटी रुपयांपर्यंत वाढले आहे. बुधवारी कंपनीचे शेअर्स बीएसईवर 2.01 टक्क्यांनी घसरून 29.77 रुपयांवर बंद झाले.

कंपनी कर्जमुक्त - रिलायन्स पॉवर ही 6,000 मेगावॅटची कार्यरत वीज निर्मिता कंपनी आहे. FY24 च्या मार्च तिमाहीत कंपनी स्टँडअलोन आधारावर कर्जमुक्त झाली आहे. अनिल धीरूभाई अंबानी समूहाच्या शेअरमध्ये गेल्या एका वर्षात जवळपास 90% आणि गेल्या सहा महिन्यांत 17% हून अधिकची वृद्धी झाली आहे.

या शेअरने या वर्षात आतापर्यंत 30% परतावा दिला आहे. चार वर्षांत हा शेअर 3000% ने वधारला आहे. 2020 मध्ये या शेअरची किंमत केवळ 1 रुपया एवढी होती.

महत्वाचे म्हणजे, या कंपनीत एलआयसीचीही मोटी हिस्सेदारी आहे. एलआयसीकडे रिलायन्स पॉवरचे तब्बल 102758930 शेअर अर्थात 2.56% एवढा वाटा आहे.

(टीप - येथे केवळ शेअरच्या परफॉर्मन्सची माहिती देण्यात आली आहे. शेअर मार्केटमधील गुंतवणूक ही जोखमीवर अवलंबून असते. त्यामुळे, गुंतवणुकीसंदर्भात तज्ज्ञांचा सल्ला आणि मार्गदर्शन घेणे अत्यंत आवश्यक आहे.)