गुंतवणुकीचा विचार करताय ? 'या' 7 योजनांमध्ये गुंतवा, जास्त व्याजासह मिळेल मोठी कर सूट

NSC, सुकन्या समृद्धी योजना (SSY), PPF, NPS यांसारख्या सरकारी बचत योजनांमध्ये गुंतवणूक करुन तुम्ही कर वाचवू शकता. बर्‍याच योजनांमध्ये रिटर्न देखील चांगले मिळतात. जाणून घ्या काही सरकारी योजनांबद्दल...

2022 जवळ येत आहे. त्यामुळे 2021-22 या आर्थिक वर्षासाठी अवघे काही महिने उरले आहेत. अशा परिस्थितीत, जर तुम्ही आतापर्यंत करबचतीसाठी कोणतीही गुंतवणूक केली नसेल, तर पुढील तीन महिन्यांत त्यावर करुन टाका. करबचतीसाठी गुंतवणूक वेळेआधी करावी लागते आणि त्यानंतर गुंतवणुकीशी संबंधित कागदपत्रे आयकर विभागाला पुरावा म्हणून द्यावी लागतात.

तुम्ही सर्व सरकारी बचत योजनांमध्ये गुंतवणूक करून कर वाचवू शकता. बर्‍याच योजनांमध्ये परतावा देखील चांगला मिळतो आणि कर सूट सुविधा देखील उपलब्ध आहे. तसेच, गुंतवणुकीत ते पूर्णपणे सुरक्षित आहे. सरकारी अल्प बचत योजनेमध्ये NSC, सुकन्या समृद्धी योजना (SSY), PPF, NPS यांचा समावेश होतो.

सार्वजनिक भविष्य निर्वाह निधी (PPF)-आयकर वाचवण्यासाठी PPF योजना ही सर्वोत्तम सरकारी योजना मानली जाते. तुम्ही पीपीएफमध्ये वार्षिक 1.5 लाख रुपयांपर्यंत गुंतवणूक करू शकता. पीपीएफमधील गुंतवणुकीवर सरकार हमी देते. सध्या सरकार पीपीएफवर 7.10 टक्के वार्षिक व्याज देत आहे. यामध्ये कलम 80C अंतर्गत गुंतवणुकीवर आयकर सूट मिळते. पब्लिक प्रॉव्हिडंट फंड (PPF) मधील मनी 15 वर्षांसाठी लॉक-इन आहे.

नॅशनल पेन्शन सिस्टम (NPS)-नॅशनल पेन्शन सिस्टम (NPS) ही सरकारी सेवानिवृत्ती बचत योजना आहे. आयकर कायद्याच्या कलम 80C अंतर्गत, 1.5 लाख रुपयांच्या कराव्यतिरिक्त, 50,000 रुपयांचा लाभ घेता येतो. अशा प्रकारे, NPS मध्ये गुंतवणूक करून, तुम्ही 2 लाख रुपयांच्या एकूण आयकर सवलतीचा लाभ घेऊ शकता. त्यातून चांगला परतावाही मिळतो. तुम्ही महिन्याला 1000 रुपयांपासून गुंतवणूक सुरू करू शकता. 18 ते 65 वयोगटातील कोणताही भारतीय नागरिक या योजनेत खाते उघडू शकतो. एनपीएस खाते कोणत्याही बँकेत उघडता येते.

सुकन्या समृद्धी योजना (SSY)- तुम्ही तुमच्या 10 वर्षांपेक्षा कमी वयाच्या मुलीच्या नावावर सुकन्या समृद्धी योजना (SSY) मध्ये खाते उघडून कर वाचवू शकता. ही एक छोटी बचत योजना आहे, जी मोदी सरकारने सुरू केली आहे. या योजनेत वार्षिक जास्तीत जास्त 1.5 लाख रुपये जमा करून आयकर सूट मिळू शकते. सध्या या योजनेवर सरकार 7.6 टक्के वार्षिक व्याज देत आहे.

ज्येष्ठ नागरिक बचत योजना (SCSS)- ज्येष्ठ नागरिकांसाठी (SCSS) चांगली बचत योजना आहे. हे बचत खाते बँक किंवा पोस्ट ऑफिसमध्ये उघडता येते. या खात्यात जमा केलेल्या रकमेवर 80C अंतर्गत आयकर सूट मिळू शकते. यामध्ये जास्तीत जास्त 1.5 लाख रुपये वार्षिक गुंतवणूक करू शकतात. सध्या वार्षिक 7.4% व्याजाची तरतूद आहे.

जीवन विमा- लाइफ इन्शुरन्स घेऊन आयकर वाचवण्याचीही संधी आहे. परंतु केवळ युनिट लिंक्ड इन्शुरन्स प्लॅन (ULIP) मधील गुंतवणुकीवर कर बचत सूट उपलब्ध आहे. ULIP मध्ये प्रीमियम 2.5 लाख रुपयांपेक्षा जास्त असल्यास कर सूट मिळणार नाही. विद्यमान आयकर कायद्यानुसार, जीवन विमा पॉलिसींच्या मुदतपूर्तीच्या रकमेला कलम 10(10D) अंतर्गत करातून सूट देण्यात आली आहे. ULIPs मधील विमा आणि गुंतवणूक यांचे संयोजन 5 वर्षांच्या लॉक-इन कालावधीसह येते.

कर बचत FD- टॅक्स सेव्हिंग फिक्स्ड डिपॉझिटमध्ये गुंतवणूक करून तुम्ही आयकर वाचवू शकता. टॅक्स सेव्हिंग एफडीमधील गुंतवणूक 5 वर्षांसाठी लॉक इन आहे. टॅक्स सेव्हिंग एफडीचे व्याज दर वेळोवेळी बदलत असतात. कर बचत एफडी गुंतवणूक हा सुरक्षित आणि हमी परताव्याचा पर्याय आहे. तुम्ही वार्षिक 1.5 लाख रुपयांपर्यंतच्या मुदत ठेवींवर 80C अंतर्गत कर सूट मिळवू शकता.

इक्विटी लिंक्ड सेव्हिंग स्कीम (ELSS)- इक्विटी लिंक्ड सेव्हिंग्ज स्कीम (ELSS) हा एक प्रकारचा इक्विटी फंड आहे आणि हा एकमेव म्युच्युअल फंड आहे जो आयकर कायद्याच्या कलम 80C अंतर्गत 1.5 लाख रुपयांपर्यंत कर सूट देतो. ELSS मध्ये, वार्षिक 1 लाख रुपयांपर्यंतचा परतावा/नफा करपात्र नाही. ELSS मध्ये 3 वर्षांचा सर्वात कमी लॉक-इन कालावधी आहे जो कर बचत गुंतवणुकीच्या सर्व पर्यायांमध्ये चांगला आहे.