कशाला घेताय सेवानिवृत्तीचं टेन्शन?; रोज जमा करा २ रुपये अन् मिळवा ३ हजारांची पेन्शन

जर आपल्याला सेवानिवृत्तीनंतरचं टेन्शन मिटवायचं असेल तर आपल्यासाठी पंतप्रधान श्रम योगी मानधन योजना (Pradhan Mantri Shram Yogi Maan-Dhan Yojana) हा एक चांगला पर्याय असू शकतो. केंद्र सरकारच्या नरेंद्र मोदी सरकारने सन २०१९ मध्ये ही योजना सुरू केली होती.

त्याअंतर्गत लाभार्थ्यास महिन्याला किमान ३ हजार रुपयांची पेन्शन मिळते. या योजनेसाठी आपण ५५ रुपये देऊन सुरुवात करु शकतो. त्यातील सर्वात महत्त्वाची बाब म्हणजे आपण त्यात जितके पैसे जमा करता तितके सरकारही पैसे जमा करते.

तसेच या योजनेची संपूर्ण प्रक्रिया ऑनलाइन असल्यानं पारदर्शक आहे. म्हणजेच यात कोणत्याही प्रकारचे घोटाळे होण्याची संधी नाही. प्रधानमंत्री श्रम योगी मानधन योजनेचा लाभ घेण्यासाठी तुम्हाला अगदी नाममात्र रक्कम जमा करावी लागेल.

जर आपण १८ वर्षांचे असाल तर आपल्याला दरमहा ५५ रुपये जमा करावे लागतील. जर आपण २९ वर्षांचे असाल तर आपल्याला दरमहा १०० रुपये जमा करावे लागतील. जर आपण ही योजना वयाच्या ४० व्या वर्षी सुरू केली तर आपल्याला दरमहा २०० रुपये जमा करावे लागतील.

तुम्हाला किती वर्ष पैसे जमा करावे लागतील?

या श्रम योगी मानधन योजनेंतर्गत लाभार्थीला वयाच्या ६० व्या वर्षापर्यंत दरमहा रक्कम जमा करावी लागते. लाभार्थी जितकी रक्कम जमा करतात, सरकारही तीच रक्कम त्यात जमा करते. यानंतर वयाची ६० वर्षे झाल्यावर लाभार्थ्यास दरमहा ३ हजार रुपये पेन्शन मिळू लागते. आकडेवारीनुसार ६ मे पर्यंत सुमारे ६४.५ लाख लोक या योजनेत सामील झाले आहेत.

सरकारने या योजनेची सुरुवात असंघटीत क्षेत्रात काम करणाऱ्यांसाठी सुरू केली. म्हणजेच रिक्षाचालक, कामगार, फेरीवाले, घरकाम करणाऱ्या महिला इत्यादी याचा फायदा घेऊ शकतात. या योजनेंतर्गत लाभार्थीचा ६० वर्षानंतर मृत्यू झाल्यास पेन्शनची अर्धी रक्कम लाभार्थीच्या नॉमिनीला दरमहा देण्यात येईल.

लाभार्थी होण्यासाठी वय १८ ते ४० वर्षे असावे. मासिक कमाई १५ हजार रुपयांपेक्षा जास्त नसावी. जे लोक थेट कर भरत नाहीत तेच या योजनेचा लाभ घेऊ शकतात. या सरकारी योजनेंतर्गत खाते उघडण्यासाठी आपल्याकडे फक्त कागदपत्रे असणे आवश्यक आहे. तसेच आपल्याकडे मोबाइल नंबर असावा, ज्यावर खात्याशी संबंधित प्रत्येक माहिती मिळू शकेल.

आधार कार्ड, बचत खाते किंवा जनधन खाते असणे महत्वाचे आहे. आपल्याला जवळच्या कॉमन सर्व्हिस सेंटरला भेट द्यावी लागेल (सीएससी). आपल्याला त्याची माहिती कर्मचारी भविष्य निर्वाह निधी संस्था (ईपीएफओ) वेबसाइटवर आढळेल.

आपण या योजनेसाठी सीएससी येथे नोंदणी करू शकता. याशिवाय तुम्ही एलआयसी, ईएसआयसी, ईपीएफओ किंवा कामगार कार्यालयातही नोंदणी करू शकता. केंद्राला भेट दिल्यानंतर तुम्हाला तुमचे बचत खाते किंवा जन धन खाते द्यावा लागेल. यावेळी, आपण आपल्या नॉमिनीचे नाव देखील जोडू शकता.

आपण नोंदणी करताच मेसेज आपल्या मोबाइलवर येईल. खात्यासाठी पहिल्यांदा तुम्हाला रोख रक्कम द्यावी लागेल. यानंतर तुम्हाला श्रम योगी कार्ड मिळेल. या सरकारी योजनेशी संबंधित इतर कोणतीही माहिती टोल फ्री क्रमांकावर 1800 267 6888 वर कॉल करून मिळवू शकता.

आपण येथे क्लिक करून सीएससी सेंटरबद्दल माहिती देखील मिळवू शकता https://locator.csccloud.in/. जर आपल्याला ६० वर्षांपूर्वी या योजनेतून बाहेर पडायचे असेल तर आपण पडू शकता. अशा परिस्थितीत तुमची जमा केलेली रक्कम बँकेच्या व्याजदरासह तुम्हाला परत केली जाईल.

परंतु जर आपण काही कारणास्तव आपली रक्कम सातत्याने जमा करण्यास सक्षम नसल्यास किंवा योजनेची रक्कम जमा करणे थांबविले असेल आणि ते पुन्हा सुरु करू इच्छित असाल तर आपल्याला थकित रक्कम आणि दंड भरावा लागेल. यानंतर, आपण या योजनेंतर्गत आपले खाते चालू ठेवण्यास सक्षम असाल