Women's Day 2025 : ‘या’ सरकारी स्कीमच्या माध्यमातून मुलीचं भविष्य करू शकता सुरक्षित, मॅच्युरिटीवर मिळतील ७० लाख

आज प्रत्येक क्षेत्रात महिला पुरुषांच्या खांद्याला खांदा लावून उभ्या आहेत. सरकारही महिलांच्या उत्तम भविष्यासाठी आणि त्यांना आर्थिक दृष्ट्या सक्षम करण्यासाठी नवनव्या स्कीम्स आणत आहे.

Women's Day 2025 : जगभरात आज आंतरराष्ट्रीय महिला दिन साजरा केला जात आहे. जन्मापासूनच प्रत्येकाच्या आयुष्यात स्त्रियांचं अनमोल योगदान असतं. मग ते आई म्हणून असो, बहीण म्हणून असो, पत्नी म्हणून असो किंवा मुलगी म्हणून. आज प्रत्येक क्षेत्रात महिला पुरुषांच्या खांद्याला खांदा लावून उभ्या आहेत. सरकारही महिलांच्या उत्तम भविष्यासाठी आणि त्यांना आर्थिक दृष्ट्या सक्षम करण्यासाठी नवनव्या स्कीम्स आणत आहे. आज आम्ही तुम्हाला एका सरकारी योजनेबद्दल सांगणार आहोत ज्यामुळे तुमच्या मुलीचं भविष्य उज्ज्वल होऊ शकतं आणि आर्थिक प्रश्नही सुटू शकतात.

सुकन्या समृद्धी योजना (SSY) ही मुलींसाठी करमुक्त असलेली अल्प बचत योजना आहे. सरकारनं तिमाहीसाठी या योजनेचा व्याजदर ८.२% ठेवला आला आहे. अल्पबचत योजनेतील हा दर सर्वाधिक आहे. यामध्ये गुंतवलेली १.५ लाख रुपयांपर्यंतची रक्कम 80C अंतर्गत कर सवलतीच्या कक्षेत येते. यातून मिळणारं व्याजही करमुक्त असतं.

सुकन्या समृद्धी योजनेत गुंतवणूक करण्यासाठी, मुलीनं भारतीय नागरिक असणं आणि सोबतच पालक किंवा कायदेशीर पालक असणं आवश्यक आहे. योजनेत गुंतवणूक करण्यासाठी मुलीचे वय १० वर्षे किंवा त्यापेक्षा कमी असावं. अशा प्रकारे, मुलगी जन्माला येताच आणि १० वर्षांची होईपर्यंत सुकन्या समृद्धी खातं उघडता येतं. काही अपवाद वगळता सुकन्या समृद्धी खाती दोन मुलींसाठी जास्तीत जास्त दोन वेळा उघडता येतात.

सुकन्या समृद्धी खातं पोस्ट ऑफिस किंवा बँकेच्या शाखेत उघडता येते. तुम्ही याची सुरुवात किमान २५० रुपयांपासून करू शकता. त्यानंतर कोणत्याही आर्थिक वर्षात किमान २५० रुपये जमा करावे लागतील. एका आर्थिक वर्षात जास्तीत जास्त तुम्ही १.५ लाख रुपये गुंतवू शकता. एकरकमी किंवा हप्त्यांमध्ये गुंतवणूक करण्याचा पर्याय देखील आहे.

सुकन्या समृद्धी खात्यावर तिमाहीसाठी ८.२ टक्के व्याज मिळेल. व्याज दर प्रत्येक तिमाहीत बदलला जातो. नवीन दर सुकन्या समृद्धी ग्राहकांना लागू होईल. सुकन्या समृद्धी योजनेचा मॅच्युरिटीचा भाग थोडा ट्रिकी आहे. खातं उघडल्यापासून १५ वर्षांपर्यंत पैसे जमा करावे लागतील. खातं उघडण्याच्या तारखेपासून २१ वर्षांनी ते मॅच्युअर होईल.

नवीन दर सुकन्या समृद्धी ग्राहकांना लागू होईल. सुकन्या समृद्धी योजनेचा मॅच्युरिटीचा भाग थोडा ट्रिकी आहे. खातं उघडल्यापासून १५ वर्षांपर्यंत पैसे जमा करावे लागतील. खातं उघडण्याच्या तारखेपासून २१ वर्षांनी ते मॅच्युअर होईल. सुकन्या समृद्धी खात्यावरील व्याज दर प्रत्येक तिमाहीत सुधारित केला जातो. सुरुवातीपासून, सुकन्या समृद्धी योजनेत जास्तीत जास्त ९.२% व्याजदर देण्यात आला आहे. योजनेचा किमान व्याज दर ७.६% होता. सोयीसाठी, कॅलक्युलेशन म्हणून ८ टक्के व्याजदर गृहीत धरू. हे लक्षात घेता, जर तुम्ही सुकन्या समृद्धीमध्ये १५ वर्षांसाठी दरवर्षी १.५ लाख रुपये (म्हणजे १२,५०० रुपये दरमहा) गुंतवले, तर मुलीला २१ वर्षांनंतर मॅच्युरिटीवर अंदाजे ७० लाख रुपये मिळतील. जर तुम्ही दरवर्षी १ लाख रुपये म्हणजेच १५ वर्षांसाठी दरमहा ८,३३३.३३ रुपये गुंतवले तर, तुमच्या मुलीला २१ वर्षानंतर मॅच्युरिटीवर ४६.५ लाख रुपये मिळतील.

सुकन्या समृद्धी खातं EEE (एक्झम्प्ट-एक्झम्प्ट) श्रेणी अंतर्गत येतं. तुम्ही आयकर कायदा, १९६१ च्या कलम 80C अंतर्गत १.५ लाख रुपयांपर्यंत कर कपातीचा दावा करू शकता. यावर दरवर्षी मिळणारं व्याजही करमुक्त असतं. याशिवाय मुलीला मॅच्युरिटीवर मिळणाऱ्या रकमेवर (मुद्दल + व्याज) कोणताही कर नाही. सुकन्या योजना खात्यातून आंशिक पैसे काढणंदेखील करमुक्त आहे.