पंजाब नॅशनल बँकेत १०० जागांची भरती, मोठा पगार; झटपट करा अर्ज
By मोरेश्वर येरम | Published: January 28, 2021 11:51 AM2021-01-28T11:51:15+5:302021-01-28T12:03:42+5:30
बँकेत नोकरी हवीय? मग तातडीने पंजाब नॅशनल बँकेतील भरतीसाठी अर्ज करा. जाणून घेऊयात संपूर्ण माहिती...
पंजाब नॅशनल बँकेने (PNB Recruitment 2021) १०० सुरक्षा व्यवस्थापकांच्या भरतीसाठीची जाहीरात बँकेच्या अधिकृत संकेतस्थळावर प्रसिद्ध केली आहे. या जागांसाठीची अर्ज प्रक्रिया ऑफलाईन ठेवली गेली आहे.
पीएनबी सिक्युरिटी मॅनेजरच्या पदासाठी अर्ज करण्यास इच्छुक उमेदवार १५ फेब्रुवारीपर्यंत बँकेच्या अधिकृत वेबसाईटच्या भरती विभागात अर्ज सादर करू शकतात.
अर्ज करण्यासाठी उमेदवाराला 'पीएनबी'च्या अधिकृत वेबसाईटवर लॉगिन करावे लागेल. pnbindia.in. च्या होमपेजवरील भरती विभागाच्या टॅबवर जाऊन संबंधित भरतीसाठी अर्ज डाऊनलोड करा.
अर्ज भरल्यानंतर, लिफाफ्यात व्यवस्थापक संरक्षणासाठी अर्जासह रोख ठेव व्हाऊचर आणि इतर कागदपत्रांची एक प्रत लिहा आणि ती स्पीड पोस्टद्वारे अधिसूचनेत दिलेल्या पत्त्यावर पाठवा.
महत्वाच्या तारखा
अर्ज आणि कॅश व्हाऊचरची प्रत २७ जानेवारीपासून डाऊनलोड करता येईल. तर अर्ज करण्याची शेवटची तारीख १३ फेब्रुवारी २०२१ पर्यंत आहे. कार्यालयात जाऊन अर्ज करण्याची अंतिम तारीख १५ फेब्रुवारी २०२१ अशी आहे.
एकूण जागा किती
पीएनबी बँकेत नोकरीसाठी एकूण १०० जागांची भरती निघाली असून यात खुल्या प्रवर्गासाठी ४०, ओबीसी २७, ईडब्ल्यूएस १०, एससी १५ आणि एसटी प्रवर्गासाठी ८ जागा राखीव असणार आहेत.