लांच्छनास्पद! रूममध्ये एकटी होती अल्पवयीन मुलगी; पोलीस इन्स्पेक्टर केला बलात्कार

Rape Case : उत्तर प्रदेशच्या कानपूरमध्ये एका अल्पवयीन मुलीवर बलात्कार केल्याप्रकरणी आरोपी माजी पोलीस निरीक्षक दिनेश त्रिपाठीला अटक करण्यात आली आहे.

पीडित मुलीच्या कुटुंबातील सदस्याने त्याला मुलीसोबत खोलीत आक्षेपार्ह अवस्थेत पाहिले होते.

आरोपीला बुधवारी न्यायालयात हजर केले जाईल आणि पीडितेचे वैद्यकीय तपासणी केली जाईल.

खरं तर, बलात्काराचा आरोपी माजी निरीक्षक दिनेश त्रिपाठी अनेक वर्षांपूर्वी कानपूरच्या चाकेरी पोलीस ठाण्यातील पोलीस ठाण्याचे प्रभारी होता.

जेव्हा त्याने चकेरीच्या फ्रेंड्स कॉलनीत घर बांधले होते. या घरातच, अल्पवयीन मुलगी तिच्या कुटुंबासह भाड्याने राहत होती.

पीडितेने केलेल्या आरोपानुसार, दिनेश त्रिपाठी रविवारी रात्री त्याच्या घरी आला, तिथे त्याला खोलीत अल्पवयीन मुलगी एकटीच आढळली आणि त्याच संधीचा फायदा घेऊन त्याने तिच्यावर बलात्कार केला.

पोलिसांनी सांगितले की, दिनेश त्रिपाठी यांचे फ्रेंड्स कॉलनीमध्ये एक घर आहे, जिथे पीडित मुलगी तिच्या कुटुंबासह भाड्याने राहत होती, मुलीच्या कुटुंबीयांनी एफआयआर दाखल केला आहे.

तसे कानपूरमध्ये पोलिस अधिकाऱ्याच्या बाबत घडलेली ही पहिलीच घटना नाही. दहा वर्षापूर्वीच कानपूरमध्ये, चकेरी सर्कलचे सीओ अमरजीत शाही यांनी पंधरा वर्षांच्या अल्पवयीन मुलीला धमकी देऊन अनेक दिवस बलात्कार केला, त्यात अमरजीत शाहीला शिक्षाही झाली.

अवघ्या महिन्यापूर्वी उन्नाव सीओ कृपा शंकर कनोजिया हे एका महिला कॉन्स्टेबलसोबत खोलीत आक्षेपार्ह स्थितीत आढळुन आले, त्यानंतर ज्यांना उन्नाव एसपीने निलंबितही केले.