भयावह! १० वर्षांच्या मुलीसोबत क्रूरता, पोस्टमार्टम करणारे डॉक्टरही हादरले; थरकाप उडवणारी घटना

उत्तर प्रदेशमधील एक धक्कादायक घटना समोर आली आहे. माधोपूर गावातील १० वर्षीय मुलीची हत्या झाल्याची माहिती समोर आली आहे. सदर घटनेची माहिती मिळाल्यानंतर पोलीस पीडित मुलीच्या काकांसह घटनास्थळी गेले. त्यावेळी त्यांनी मुलीला जखमी अवस्थेत पाहिले. घटनास्थळी पोलिसांनी बराच वेळ चौकशी केली.

पीडित मुलीच्या वडिलांच्या तक्रारीनूसार पोलिसांनी एका संशयित आरोपीला अटक केली आहे. त्याची दिवसभर चौकशी केल्यानंतर पोलिसांना पीडित मुलीच्या कुटुंबियांवरच संशय आला. त्यामुळे पोलिसांनी सायंकाळी उशिरा मुलीच्या कुटुंबातील चार जणांना ताब्यात घेतले. त्यानंतर रविवारी सकाळी पोलिसांनी मुलीचा प्रेमविवाह करणाऱ्या मावशीच्या भावाला पोलिस ठाण्यात नेले.

बराच वेळ चौकशी केल्यानंतर कुटुंबियांची देखील सुटका करण्यात आली. या घटनेचा गुन्हेगार पीडित मुलीच्या नातेवाईकांमधीलच कोणीतरी एक असल्याची भीती पोलिसांना आहे. सूत्रांनी दिलेल्या माहितीनुसार, पोलिसांनी रक्ताने माखलेली पँटही जप्त केली आहे.

दोन वर्षांपूर्वी पाण्यावरून वाद-

मुलीच्या कुटुंबीयांनी संशय व्यक्त केलेला शेजारीच राहतो. या शेजारी राहणणाऱ्या व्यक्तीशी दोन वर्षांपूर्वी पाण्यावरुन वाद झाला होता. त्यावेळी पोलिसांकडे तक्रार केली असता त्यांनी ऐकले नाही. त्यानंतर शेजाऱ्याने मुलीच्या दोन काकांविरुद्ध तक्रार दाखल केली. चार महिन्यांपूर्वी मुलीच्या वडिलांनी शेजाऱ्यांसह तीन जणांविरुद्ध पोलिसांत बलात्काराची तक्रार दिली होती, त्यावर अद्याप कोणतीही कारवाई झालेली नाही. शेजारी अनेक वर्षांपूर्वी गावात स्थायिक झाले आहे. पत्नीशिवाय गावात दुसरे कोणी नातेवाईक नाही.

डोक्याला मारून पोटात वार करण्यात आले-

पोस्टमार्टम रिपोर्टच्या आधारे मुलीच्या पोटावर चाकूने वार करून तिच्या डोक्यावर कुठल्यातरी जड वस्तूने वार करण्यात आले किंवा जमिनीवर फेकून दिल्याने तिच्या डोक्याला गंभीर दुखापत झाल्याचे सांगण्यात येत आहे. डोक्याला मार लागल्याने आणि जास्त रक्तस्त्राव झाल्याने मुलीचा मृत्यू झाला. शवविच्छेदन अहवालानुसार शरीरावर फक्त एकच पोट कापल्याची खूण आहे, तर दुसरी खूण डोक्याला मार लागल्याची आहे.

पोलीस तीन कुटुंबात अडकले-

मुलीच्या काकांनी गावातीलच मुलीसोबत प्रेमविवाह केला होता. हत्येनंतर तिच्या सासरच्यांनी बदला घेण्यासाठी निरपराधची हत्या केल्याची चर्चा होती. मुलीच्या कुटुंबीयांनी शेजाऱ्याविरुद्ध हत्येचा गुन्हा दाखल केल्याने प्रकरण अधिकच गुंतागुंतीचे झाले आहे. अनेक ठिकाणी तपास सुरू आहे. अनेक कुटुंबीयांची चौकशी केली जात आहे. पुरावे गोळा करून घटनेचा लवकरच खुलासा केला जाईल, अशी माहिती स्थानिक पोलीस अधिकारी दिनेश कुमार यांनी दिली.