'मुरांबा' मालिकेतील हा अभिनेता चढला बोहल्यावर, वेडिंग अल्बम आला समोर

वनिता खरात, हार्दिक जोशी-अक्षया देवधर यांच्यानंतर आता मराठी मालिकेतील आणखी एक अभिनेता लग्नबेडीत अडकला आहे.

मुरांबा मालिकेतील अभिनेता सुमित भोकसे आणि मधुरा केळुस्कर यांचा साखरपुडा काही दिवसांपूर्वी पार पडला होता. त्यानंतर आता त्या दोघांनी नुकतीच लग्नगाठ बांधली आहे.

सुमित भोकसे आणि मधुरा केळुस्कर यांच्या लग्नाला प्रथमेश परब त्याच्या गर्लफ्रेंडसह हजर झाला होता. तर मराठी मालिका आणि चित्रपट सृष्टीतील अनेक कलाकार मंडळींनी लग्नाला उपस्थिती लावली होती.

सुमितच्या लग्नाचे काही खास व्हिडीओ आणि फोटो पाहून चाहत्यांनी अभिनंदनाचा वर्षाव करण्यास सुरुवात केली आहे.

सुमित भोकसे हा मराठी मालिका तसेच चित्रपट अभिनेता आहे.

नवरी मिळे नवऱ्याला, पाहिले न मी तुला, मुरांबा, इयर डाऊन अशा मालिकांमधून सुमित प्रेक्षकांच्या भेटीला येत राहिला.

एक नंबर या चित्रपटात सुमित एका महत्त्वाच्या भूमिकेत दिसला होता. बोल्ड सीन्समुळ हा चित्रपट खूपच चर्चेत आला होता.

कॉलेजमध्ये असताना नाटक, एकांकिका मधून आविष्कार या नाट्यसंस्थेशी तो जोडला गेला. अनेक मराठी नाटकातून काम करत असताना सुमित भोकसेला फोटोग्राफीचे वेध लागले.

प्रथमेश परब सोबत सुमितला उर्फी चित्रपटात झळकण्याची नामी संधी मिळाली.

यानंतर मालिका सृष्टीत सुमितने स्वतःची ओळख बनवली.