‘दार उघड बये’फेम रेणुकाचा नवरा करतोय देशसेवा; लाइमलाइटपासून राहतो दूर

Bhagyashree dalvi: भाग्यश्रीचा नवरा मर्चंट नेव्हीमध्ये कार्यरत आहे.

झी मराठीवर सध्या दार उघड बये ही मालिका चांगलीच लोकप्रिय ठरली आहे.

या मालिकेतील प्रत्येक कलाकाराने प्रेक्षकांच्या मनावर छाप पाडली आहे.

मुक्ता, रावसाहेब, आजी आणि रेणुका हे कलाकार नेटकऱ्यांमध्ये कायम चर्चेत येत असतात.

सध्या सोशल मीडियावर मालिकेतील रेणुकाची म्हणजेच अभिनेत्री भाग्यश्री दळवीची चर्चा होत आहे.

या मालिकेत भाग्यश्रीने हट्टी, लाडावलेल्या रेणुकाची भूमिका साकारली आहे. या भूमिकेमुळे तिला विशेष लोकप्रियता मिळाली.

भाग्यश्री मूळची कोकणातील दोडामार्ग येथील आहे. परंतु, मुंबईमध्येच ती लहानाची मोठी झाली.

नॅशनल एज्युकेशन सोसायटी हायस्कुलमधून शालेय शिक्षण तसेच एस एम शेट्टी कॉलेजमधून तिने पदवीचे शिक्षण घेतलं. तर, मुंबई युनिव्हर्सिटीमधून तिने मास कम्युनिकेशन आणि जर्नालिझमचे धडे गिरवले.

‘मी, माझी गर्लफ्रेंड आणि…’ या वेबसिरीजमधून भाग्यश्री प्रकाशझोतात आली.

भाग्यश्रीने 'सारे तुझ्याचसाठी', 'सांग तू आहेस का', 'फुलाला सुगंध मातीचा', 'भाग्य दिले तू मला', 'शबरी' अशा मालिका आणि शॉर्टफिल्म्समध्ये काम केलं आहे.

रेणुकामुळे चर्चेत आलेल्या भाग्यश्रीचं लग्न झालं आहे. विशेष म्हणजे तिचा नवरा चक्क देशसेवा करतो.

डिसेंबर २०२१ मध्ये भाग्यश्रीने प्रतीक सोबत लग्नगाठ बांधली हे तिचे अरेंजमॅरेज होते. प्रतीक हा मर्चंट नेव्हीमध्ये कार्यरत आहे.