'धडाकेबाज'मधली 'गंगी' आठवतेय? लोकप्रिय मालिकेत करते काम, आता ओळखताही येणार नाही

'धडाकेबाज' सिनेमातील गंगी फुलवाली ही भूमिका अभिनेत्री प्राजक्ता कुलकर्णी यांनी साकारली होती. या भूमिकेने प्राजक्ता यांना लोकप्रियता मिळवून दिली.

१९९० साली प्रदर्शित झालेला 'धडाकेबाज' सिनेमा लक्ष्मीकांत बेर्डे यांच्या एव्हरग्रीन सिनेमांपैकी एक आहे. या सिनेमातील बाटलीतल्या गंगारामने धमाल आणली होती.

महेश कोठारेंचं दिग्दर्शन असलेल्या या सिनेमात लक्ष्मीकांत बेर्डे, महेश कोठारे, दीपक शिर्के, प्राजक्ता कुलकर्णी, अश्विनी भावे आणि रविंद्र बेर्डे हे कलाकार मुख्य भूमिकेत होते.

या सिनेमातील गंगी फुलवाली ही भूमिका अभिनेत्री प्राजक्ता कुलकर्णी यांनी साकारली होती. या भूमिकेने प्राजक्ता यांना लोकप्रियता मिळवून दिली.

या चित्रपटातूनच त्यांनी सिनेसृष्टीतून पदार्पण केलं होतं. त्यानंतर गुंज, शोध, आग, दामिनी या सिनेमांमध्ये त्या झळकल्या.

काही मालिकांमध्येही त्या दिसल्या होत्या. आई माझी काळूबाई, छत्रीवाली या मालिकांमध्ये त्यांनी महत्त्वाची भूमिका साकारली होती.

ठरलं तर मग या मालिकेत अर्जुनच्या आईची भूमिका साकारणाऱ्या प्राजक्ताच धडाकेबाजमध्ये लक्ष्याची गंगी आहेत, असं सांगितलं तर तुमचा विश्वास बसेल का?

पण, हे खरं आहे. इतक्या वर्षांत प्राजक्ता यांच्यामध्ये खूप बदल झाला आहे.

प्राजक्ता या सोशल मीडियावरही प्रचंड सक्रिय असल्याचं पाहायला मिळतं. खऱ्या आयुष्यात त्या खूपच ग्लॅमरस आहेत.