1 फ्लॉप चित्रपटानं चमकलं अभिनेत्रीचं नशीब; बनली कोट्यवधींची मालकीण, क्षणात बदललं सर्व

Divya Khosla : एका फ्लॉप चित्रपटाने नशीब फळफळलं.

एखाद्या फ्लॉप चित्रपटाने कोणाचं नशीब कसं चमकू शकतं असा प्रश्न तुम्हाला नेहमीच पडला असेल पण हो हे खरं आहे. जेव्हा अभिनेत्री दिव्या खोसला कुमारची संपूर्ण गोष्ट कळेल तेव्हा तुम्हाला चमत्कार कसा घडतो हे समजेल. दिव्याच्या आयुष्याशी संबंधित गोष्टी जाणून आश्चर्याचा धक्का बसेल.

दिव्या खोसला कुमारने (Divya Khosla Kumar) वयाच्या 18 व्या वर्षी मॉडेलिंगला सुरुवात केली आणि वयाच्या 20 व्या वर्षी मुंबईत राहायला गेली, जिथे तिला बॉलिवूडमध्ये ब्रेक मिळाला आणि तिथे तिची भेट भूषण कुमारशीही झाली.

अभिनेत्रीने 2004 मध्ये उदय किरणसोबत 'लव्ह टुडे' या तेलगू चित्रपटातून अभिनेत्री म्हणून तिच्या करिअरला सुरुवात केली. त्यानंतर 2004 मध्ये, ती फाल्गुनी पाठकने गायलेल्या 'अयो रामा' या पॉप गाण्याच्या व्हिडिओमध्येही दिसली.

'अब तुम्हारे हवाले वतन साथियो से' चित्रपटाद्वारे त्याच वर्षी तिने बॉलिवूडमध्ये पदार्पण केले. या चित्रपटात ती अक्षय कुमार आणि बॉबी देओलसोबत दिसली, तिचा पहिला चित्रपट बॉक्स ऑफिसवर फ्लॉप झाला.

दिव्याचं आयुष्य यानंतर बदललं, मीडिया रिपोर्ट्सनुसार, टी-सीरीजचे मालक भूषण कुमार या चित्रपटादरम्यान दिव्या खोसला भेटले आणि त्यानंतर दोघांमधील जवळीक वाढू लागली. दोघांमध्ये फोनवर संभाषण झाले.

'अब तुम्हारे हवाले वतन साथियो से' रिलीज झाल्यानंतर पुढच्याच वर्षी 2005 मध्ये दोघांनी लग्नगाठ बांधली. एका फ्लॉप चित्रपटाने दिव्याचे नशीब फळफळलं, तिला तिचं प्रेम आणि जीवनसाथी मिळाला.

लग्नाच्या 18 वर्षानंतरही दोघांची केमिस्ट्री नजरेसमोर येते. दिव्या तिच्या इन्स्टाग्राम सोशल नेटवर्किंग साइटवर भूषणसोबतचे तिचे फोटो शेअर करत असते. बॉलिवूडमध्ये अभिनेत्री म्हणून दिव्याचे करिअर काही खास नव्हते, पण आता तिने चित्रपटांची निर्मिती सुरू केली आहे.

दिव्या आजकाल सतत व्हिडीओ अल्बममध्ये अभिनय करताना दिसत आहे आणि तिला यात यशही मिळत आहे. त्याच वेळी, अलीकडेच 'सत्यमेव जयते 2' द्वारे चित्रपटांमध्ये पुनरागमन करण्याचा प्रयत्न केला, परंतु त्यातही त्याला यश मिळाले नाही. एका हिंदी वेबसाईटने याबाबतचे वृत्त दिले आहे.