वीणेचा नाद, चिपळ्यांची साथ! वारकऱ्याच्या वेशातील 'या' मराठी अभिनेत्याला ओळखलं का?

सध्या एका अभिनेत्याचे वारकरी वेशातील फोटो व्हायरल होत आहे. यामध्ये अभिनेत्याने वारकऱ्यांसारखा पेहराव करून हातात वीणा आणि चिपळ्या घेतल्याचं पाहायला मिळत आहे.

सध्या वारकरी विठुनामाच्या गजरात आणि वारीमध्ये दंग आहेत. त्यांना विठुरखुमाईच्या दर्शनाची आस लागली आहे. अनेक कलाकारही आषाढी एकादशीच्या वारीत सहभागी होताना दिसतात.

सध्या एका अभिनेत्याचे वारकरी वेशातील फोटो व्हायरल होत आहे. यामध्ये अभिनेत्याने वारकऱ्यांसारखा पेहराव करून हातात वीणा आणि चिपळ्या घेतल्याचं पाहायला मिळत आहे.

हातात वीणा आणि चिपळ्या घेऊन वारकरी वेश केलेल्या या अभिनेत्याला ओळखणंदेखील कठीण झालं आहे.

हा अभिनेता दुसरा तिसरा कोणी नसून क्षितीश दाते आहे. क्षितीश सध्या झी टॉकीजवरील वारी विशेष या कार्यक्रमातून प्रेक्षकांचं मनोरंजन करत आहे.

या कार्यक्रमातीलच त्याचा हा नवीन लूक आहे. इन्स्टाग्रामवरुन त्याने याचे फोटो शेअर केले आहेत.

क्षितीशने अनेक मालिका आणि सिनेमांमध्ये काम केलं आहे. 'सरसेनापती हंबीरराव', 'मुळशी पॅटर्न',' धर्मवीर', 'चौक' या सिनेमांमध्ये तो झळकला आहे.

'धर्मवीर'मध्ये मुख्यमंत्री एकनाथ शिंदेंची भूमिका साकारून क्षितीश प्रसिद्धीझोतात आला होता. त्याने साकारलेली लोकमान्य टिळकांची भूमिकाही प्रेक्षकांच्या पसंतीस उतरली होती.