PHOTOS : मी खरंच खूप भाग्यवान आहे..., शर्मिष्ठा राऊतची नवऱ्यासाठी लयभारी पोस्ट

Sharmishtha Raut : ‘बिग बॉस मराठी’मुळे घराघरात पोहोचलेली अभिनेत्री शर्मिष्ठा राऊत सध्या सेलिब्रेशन मूडमध्ये आहे. होय, सेलिब्रेशन कसलं तर नवऱ्याच्या वाढदिवसाचं. आज तिच्या लाडक्या नवऱ्याचा वाढदिवस आहे.

‘बिग बॉस मराठी’मुळे घराघरात पोहोचलेली अभिनेत्री शर्मिष्ठा राऊत सध्या सेलिब्रेशन मूडमध्ये आहे. होय, सेलिब्रेशन कसलं तर नवऱ्याच्या वाढदिवसाचं. आज तिच्या लाडक्या नवऱ्याचा वाढदिवस आहे.

होय, शर्मिष्ठाचा पती तेजस देसाईच्या वाढदिवसाचं गोव्यात जंगी सेलिब्रेशन झालं आणि या सेलिब्रेशनचे काही फोटो तिने सोशल मीडियावर शेअर केले आहेत.

जगातल्या सगळ्यात भारी नवऱ्याला वाढदिवसाच्या शुभेच्छा. मी खूप भाग्यवान आहे की मला तुझ्यासारखा खरं प्रेम करणारा नवरा मिळाला. तूला जे हवय ते सगळं मिळो....,असं तिने पोस्टमध्ये लिहिलं आहे.

मी स्वत:ची स्वप्न सत्यात उतरवण्यासाठी प्रचंड मेहनत करणाऱ्या मुलासोबत लग्न केलंय आणि त्याचा मला अभिमान वाटतो, अशा शब्दात भावना व्यक्त करत शर्मिष्ठाने तेजसला वाढदिवसाच्या शुभेच्छा दिल्या आहेत.

काही दिवसांपूर्वीच शर्मिष्ठाने तेजसला वाढदिवसाचं गिफ्ट दिलं होतं. तिने त्याला नवी कोरी अलिशान कार भेट दिली होती.

शर्मिष्ठाने 11 ऑक्टोबर 2020 रोजी मोजक्या पाहुण्यांच्या उपस्थितीत तेजस देसाईसोबत लग्न केलं होतं. शर्मिष्ठाचं हे दुसरं लग्न आहे.

यापूर्वी तिने अमेय निपाणकरसोबत लग्न केलं होतं. मात्र, त्यांचा संसार फार काळ टिकला नाही. पण तेजससोबत शर्मिष्ठा प्रचंड आनंदी आहे.

शर्मिष्ठा मराठी कलाविश्वातील लोकप्रिय अभिनेत्री आहे. मन उधाण वाऱ्याचे, जुळून येती रेशीम गाठी, कुंपण,सप्तपदी, चार दिवस सासूचे, अभिलाषा, एक झुंज वादळाशी या मालिकांमध्ये तिने काम केलं आहे.

शर्मिष्ठा सोशल मीडियावरसुद्धा प्रचंड अ‍ॅक्टिव्ह असते. ती तिच्या फोटोंसोबतच आयुष्यात घडणाऱ्या घडामोडी चाहत्यांसोबत शेअर करत असते.