हिरवेगार डोंगर, झुळझुळ वाहणारं पाणी, निसर्गरम्य ठिकाणी आहे प्राजक्ता माळीचं फार्महाऊस

Prajakta Mali : प्राजक्ता माळी मराठी कलाविश्वातील लोकप्रिय अभिनेत्री आहे. आज ती ३५वा वाढदिवस साजरा करते आहे.

प्राजक्ता माळी मराठी कलाविश्वातील लोकप्रिय अभिनेत्री आहे. आज ती ३५वा वाढदिवस साजरा करते आहे.

प्राजक्ता अभिनेत्रीसोबत उत्तम कवयित्री आणि उद्योजिका आहे. प्राजक्तराज नामक पारंपारिक दागिन्यांचा तिचा व्यवसाय आहे.

प्राजक्ताने अलिकडेच कर्जतमध्ये निसर्गरम्य वातावरणात फार्महाऊस घेतले आहे.

प्राजक्तकुंज असे तिच्या फार्महाउसचं नाव आहे. कर्जतमधील गौळवाडी या गावात प्राजक्ताचं फार्महाऊस आहे. यात ३ बेडरूम, ४ बाथरूम आणि लिव्हिंग रुम आहे.

प्रशस्त असा लिव्हिंग रूम देण्यात आला आहे. निसर्गाच्या कुशीत वसलेल्या या फार्महाऊसच्या बाहेर फॅमिली लंच करण्यासाठी जागा आहे. तसेच मोठा स्विमिंग पूलदेखील आहे.

फार्महाऊसच्या आजूबाजूला डोंगर असल्यामुळे पावसाळ्यात इथे धबधबे पाहायला मिळतात.

शिवाय फार्महाऊसला लागून एक छोटी नदीदेखील आहे.

प्राजक्ता माळीच्या फार्महाऊसमध्ये आपणही भाडे देऊन राहू शकतो.

प्राजक्ताने सध्या तिचं फार्महाऊस Stay Leisurely यांच्याकडे हँडओव्हर केलं आहे. त्यांच्या ऑफिशिअल साईटवर या फार्महाऊसची सगळी माहिती देण्यात आली असून त्याचं एक दिवसाचं भाडं किती हेदेखील सांगण्यात आलं आहे.

या फार्महाऊसवर एकाचवेळी १५ पेक्षा जास्त व्यक्ती राहू शकतात. तसंच केवळ २ व्यक्तींसाठीदेखील हा फार्महाऊस उपलब्ध आहे. परंतु, यासाठी बरीच मोठी रक्कम मोजावी लागेल.

प्राजक्ता माळीच्या फार्महाउसमध्ये राहण्याचा खर्च १५ ते ३० हजार रुपये आहे. तिथे जेवणाची उत्तम सोयदेखील आहे.