आईच्या 'गर्ल्स स्क्वॉड' मध्ये लेक राहा कपूरचीही एन्ट्री, आलिया भटचा मैत्रिणींसोबत 'क्वॉलिटी टाईम'!

राहाच्या फोटोने वेधलं लक्ष, आलियाच्या मैत्रिणींसोबत दिसली

आलिया भट (Alia Bhatt) फिल्म इंडस्ट्रीतील सर्वात लोकप्रिय अभिनेत्री. ती प़डद्यावर जितकी ग्लॅमरस आणि स्टायलिश दिसते तितकीच खऱ्या आयुष्यात मात्र एकदम साधी आहे.

आलिया भटची मोठी गर्ल गँग आहे. अनेकदा ती आपल्या मैत्रिणींसोबतचे फोटो शेअर करत असते. तसंच कामातून ब्रेक घेत ती त्यांच्यासोबत वेळ घालवते.

आलियाच्या अनेक मैत्रिणींचीही लग्न झाली आहेत. प्रत्येकीच्या लग्नात ही गर्ल गँग ब्राईड्समेडच्या भूमिकेत दिसले आहेत. आलियाच्या लग्नातही या सर्व जणी दिसल्या होत्या.

आता आलियाच्या या गर्ल गँगमध्ये छोटी राहा कपूरही (Raha Kapoor) सामील झाली आहे. नुकतंच आलियाची मैत्रीण आकांक्षा रंजन कपूरने इन्स्टाग्रामवर काही फोटो शेअर केलेत. यात आलिया, आकांक्षा त्यांच्या आणखी दोन मैत्रिणी, एकीचं बाळ आणि राहा कपूर दिसत आहे.

राहा कपूरचा हा क्युट लूक पाहून चाहत्यांनी प्रेमाचा वर्षाव केला आहे. आकांक्षा तिला किस करताना दिसत आहे. तर आलिया हसतच कॅमेऱ्यासमोर पोज देत आहे.

याचाच अर्थ राहाचीही आईच्या गँगमध्ये अधिकृत एन्ट्री झाली आहे. आलिया ब्लॅक शर्ट आणि व्हाईट ट्राऊजर अशा कॅज्युअल लूकमध्ये त्यांच्यासोबत क्वॉलिटी टाईम घालवत आहे.

क्युट राहाचा दिवाळीचा एक फोटो सोशल मीडियावर खूप व्हायरल झाला होता. आलियानेच तो फोटो शेअर केला होता. यामध्ये आलिया आणि रणबीर यांच्या मध्यभागी राहा उभी ती कुतुहलाने कॅमेऱ्याकडे पाहत आहे. तर तिघांनी एकाच शेडचे कपडे घातले आहेत. हा फोटो नेटकऱ्यांच्या भलताच पसंतीस पडला होता.