२५ वर्षांपासून बेपत्ता आहे हा अभिनेता, दर वाढदिवसाला मुलगी काढते आठवण, धक्कादायक आहे पूर्ण कहाणी

Raj Kiran Mahtani: बॉलिवूड कलाकारांबाबत तुम्ही अनेक कहाण्या ऐकल्या आणि वाचल्या असतील. मात्र आज आम्ही ज्या अभिनेत्याबाबत बोलणार आहोत, त्याच्याबाबत वाचल्यावर तुम्हाल धक्का बसल्यावाचून राहणार नाही. दिवंगत अभिनेते ऋषी कपूर यांच्या कर्ज चित्रपटातून प्रसिद्धीच्या झोतात आलेले अभिनेते राज किरण महतानी गेल्या २५ वर्षांपासून बेपत्ता आहेत.

बॉलिवूड कलाकारांबाबत तुम्ही अनेक कहाण्या ऐकल्या आणि वाचल्या असतील. मात्र आज आम्ही ज्या अभिनेत्याबाबत बोलणार आहोत, त्याच्याबाबत वाचल्यावर तुम्हाल धक्का बसल्यावाचून राहणार नाही. दिवंगत अभिनेते ऋषी कपूर यांच्या कर्ज चित्रपटातून प्रसिद्धीच्या झोतात आलेले अभिनेते राज किरण महतानी गेल्या २५ वर्षांपासून बेपत्ता आहेत.

मीडिया रिपोर्ट्सनुसार गेल्या २५ वर्षांपासून राज किरण यांचा काहीच थांगपत्ता नाही आहे. त्यांच्या कुटुंबीयांकडून त्यांच्या अजूनही शोध घेतला जात आहे. मात्र त्यांच्याबाबत काहीच माहिती मिळू शकलेली नाही. राज यांना दोन मुली आहेत. त्यांची नावं ऋषिका महतानी आणि मन्नत महतानी अशी आहेत. त्यांची पत्नी रूपा यांनी दुसरं लग्न केलं आहे. राज यांची मुलगी ऋषिका ही ज्वेलरी डिझायनर आहे. ती वडिलांच्या प्रत्येक वाढदिवशी तिच्या सोशल मीडिया अकाऊंटवर शुभेच्छांची एक पोस्ट लिहित असते.

ऋषिका हिचा तिच्या वडिलांसोबतचा एक फोटो आहे, तो ती प्रत्येक वेळी सोशल मीडियावर शेअर करत असते. या फोटोमध्ये ती खूप लहान दिसते. तसेच पिंक कलरच्या ड्रेसमध्ये ती वडील राज किरण यांच्या मांडीवर बसली आहे. ती वडिलांच्या वाढदिवशी त्यांना शुभेच्छा देताना याच फोटोचा वापर करते.

राज किरण यांचं चित्रपटातील करिअर बऱ्यापैकी चाललं होतं. त्यांनी मुख्य भूमिकांसोबतच सहाय्यक भूमिकाही मिळत होत्या. मात्र ते असे अचानक बेपत्ता झाल्याने त्यांच्या चाहत्यांनाही धक्का बसला होता.

काही मीडिया रिपोर्ट्सनुसार करिअर बॅकसिटवर गेल्यानंतर राज किरण हे मानसिक तणावाखाली गेले होते. त्यानंतर त्यांना मुंबईतील एका वेड्यांच्या रुग्णालयात ठेवण्यात आले होते. तसेच ते अनेक वर्षे अमेरिकेमध्ये बैरागी बनून राहत होते. २०११ मध्ये ऋषी कपूर यांनी राज यांचे भाऊ गोविंत महतानी यांना फोन केला होता. तेव्हा त्यांनी ते अटलांटामधील एका वेड्याच्या रुग्णालयात असल्याचे सांगितले.

मात्र २०११ मध्ये ऋषिका यांनी राज किरण हे अटलांटामध्ये सापडल्याची बातमी फेटाळून लावली होती. त्यांनी सांगितले की, त्यांचं कुटुंब अनेक वर्षांपासून न्यूयॉर्क पोलीस आणि त्यांच्या खासगी गुप्तहेरांच्या मदतीने त्यांचा शोध घेत होते. राज यांनी कागज की नाव, शिक्षा, मान अभिमान, और एक नया रिश्ता, कर्ज, बसेरा, अर्थ, राज तिलक, वारिस अशा चित्रपटांमध्ये काम केलं होतं.