Rakhi Sawant : बापरे! राखी सावंतची मोठी फसवणूक; कोट्यवधींची कार, पैसे, फोन घेऊन ड्रायव्हर फरार

Rakhi Sawant : राखी सावंतचा ड्रायव्हर तिची कोट्यवधींची आलिशान कार आणि पैसे घेऊन पळून गेला आहे. याचा खुलासा खुद्द राखीने केला आहे.

बॉलिवूडची ड्रामा क्वीन राखी सावंत कोणत्या ना कोणत्या कारणाने चर्चेत असते. आधी पती आदिल खानसोबत निकाह, फसवणूक, गंभीर आरोप, आईचा मृत्यू आणि आता राखी सावंतसोबत आणखी एक धक्कादायक प्रकार घडला आहे.

राखी सावंतचा ड्रायव्हर तिची कोट्यवधींची आलिशान कार आणि पैसे घेऊन पळून गेला आहे. याचा खुलासा खुद्द राखीने केला आहे. राखीचा हा व्हिडिओ सोशल मीडियावर मोठ्या प्रमाणात व्हायरल होत आहे.

राखी सावंतचा एक व्हिडीओ सोशल मीडियावर व्हायरल होत आहे. या व्हिडिओमध्ये अभिनेत्री ऑटोमधून मुंबईच्या रस्त्यांवर फिरताना दिसत आहे. याच दरम्यान तिने पापाराझीला पाहताच तिचं दुःख सांगायला सुरुवात केली. राखी सावंत जिम लूकमध्ये दिसली.

राखी सावंतने पापाराझींशी बोलताना सांगितले- 'यूपीमधील माझा ड्रायव्हर पप्पू यादवने काल माझे संपूर्ण पैसे चोरले. बीएमडब्ल्यू कारची चावी, पैसे, सोन्याचा फोन आणि मर्सिडीज कार घेऊन फरार झाला आहे.

मी त्याचे आधार कार्ड घेतले नव्हते. गरीब बिचारा म्हणत मी त्याच्यावर विश्वास ठेवला आणि तोच गरीब मला धोका देऊन गेला आहे. संपूर्ण जगाने मला रडवले. बघा हजारो किमतीचे कपडे घालून मी ऑटोतून फिरतेय.

व्हिडीओमध्ये राखी सावंत म्हणतेय की, 'मी त्या पप्पू यादवविरोधात तक्रार दाखल करण्यासाठी ओशिवरा पोलीस ठाण्यात जात आहे. मी चंद्रयानचा आनंद साजरा करत होते आणि पप्पू यादवने माझ्या आयुष्याला ग्रहण लावले.

राखी सावंतचा हा व्हिडिओ सोशल मीडियावर मोठ्या प्रमाणात व्हायरल होत आहे. त्याचबरोबर हा व्हिडिओ पाहिल्यानंतर युजर्स जोरदार कमेंट करत आहेत. राखी सावंत सतत चर्चेत असते. तिच्या प्रत्येक व्हिडिओला भरपूर व्ह्यूजही मिळतात. एका हिंदी वेबसाईटने याबाबतचे वृत्त दिले आहे.

पापाराझीसोबत तिच्या लाईफ पार्टनरबाबत बोलताना याआधी राखी सावंतने तिची एक इच्छा व्यक्त केली की तिला स्वतःचं आता आणखी एक स्वयंवर करायचं आहे, जेणेकरून तिला लग्नासाठी एक चांगला मुलगा मिळेल.

अभिनेत्री पापाराझींना म्हणाली की, तुम्ही सर्वांनी माझं स्वयंवर पार्ट 2 करायला हवं. मला अशा एका मुलाची गरज आहे जो राखी सावंतच्या मुलाचा बाप होऊ शकेल.

"मला आता आई व्हायचं आहे. मी आता एक जोडीदार शोधत आहे जो माझ्या मुलाचा पिता बनू इच्छितो. चला ही नवीन स्पर्धा सुरू करूया. मी माझ्या मुलाच्या वडिलांना शोधत आहे."

44 वर्षीय राखी सावंतने आतापर्यंत दोन वेळा लग्न केलं आहे आणि आता ती तिसऱ्या लग्नाच्या तयारीत आहे. राखीचं पहिलं लग्न बिझनेसमन रितेशसोबत झालं होतं. तेव्हा देखील तिची चर्चा रंगली होती.