PHOTOS : व्वा, म्हणजे तुझ्याकडे कपडे आहेत तर..., रणवीरचं नवं फोटोशूट पाहून चाहते झाले ‘सैराट’!!

Ranveer Singh New Photoshoot : न्यूड फोटोशूटमुळे तापलेलं वातावरण शांत होत नाही, तोच रणवीरने पुन्हा एक नवं फोटोशूट केलं आहे. अर्थात यावेळी सूटाबुटात...

बॉलिवूडचा पॉवर पॅक्ड अभिनेता म्हणून ओळखला जाणारा अभिनेता रणवीर सिंग गेल्या काही दिवसांपासून न्यूड फोटोशूटमुळे चर्चेत आहेत. रणवीरचे न्यूड फोटो समोर आलेत आणि सोशल मीडियावर एकच खळबळ माजली.

न्यूड फोटोशूट करत रणवीरनं सगळ्यांनाचा थक्क करुन सोडलंय. या फोटोंमुळे रणवीरला अनेक ट्रोलिंग आणि आरोपांचा सामना करावा लागला आहे. एवढंच काय तर न्यूड फोटोशूट प्रकरणी रणवीरविरोधात एफआयआर देखील दाखल करण्यात आला आहे.

रणवीर सिंगला अटक करण्याचीही मागणी केली जात आहे. न्यूड फोटोशूटमुळे तापलेलं वातावरण शांत होत नाही, तोच रणवीरने पुन्हा एक नवं फोटोशूट केलं आहे. अर्थात यावेळी सूटाबुटात.

रणवीरच्या या नव्या फोटोशूटचे फोटो काही क्षणातच व्हायरल झालेलं पहायला मिळतंय. या नव्या फोटोशूटमध्ये रणवीरनं पूर्ण कपडे घातले आहेत. अर्थात तरिही काहींनी त्याची मजा घेतली आहे.

तुझ्याकडे कपडे आहेत, अखेर कळलं, अशी कमेंट एका चाहत्याने केली आहे. कोणी तरी कपडे दिले वाटतं, कपड्यात चांगला वाटतोय,अशा कमेंट्ही काहीजणांनी केल्या आहेत.

न्यूड फोटोशूट केल्याप्रकरणी रणवीरविरुद्ध आयपीसी कलम 509, 292, 294, तर आयटी कायद्याच्या अंतर्गत 67अ कलम दाखल करण्यात आलं आहे. त्यामुळे आता रणवीरवर अटकेची टांगती तलवार असल्यांचं दिसतंय.

आयपीएस कलम 292 अंतर्गत पाच वर्ष आणि 294 अंतर्गत 3 वर्षे तुरुंगवासाची तरतूद आहे. याशिवाय आयटी कायदा कलम 67अ अंतर्गत 5 वर्षांचा तुरुंगवास होऊ शकतो.

रणवीरने न्यूड फोटोशूट करताना तो किती कम्फर्टेबल होता, हे आधीच सांगितलं आहे. अशा फोटोशूटमध्ये काहीही वाईट नाही. कारण या फोटोत तुम्ही फक्त माझा आत्मा पाहू शकता, असं त्याने म्हटलं आहे.