पंचपक्वानं अन् फुलांचा थाट, रेश्मा शिंदेची लगीनघाई! चाहते विचारतात- "नवरा कोण?"

Reshma Shinde : 'रंग माझा वेगळा' फेम अभिनेत्री रेश्मा शिंदे लवकरच लग्नबेडीत अडकणार आहे.

मराठी कलाविश्वातील अभिनेत्री रेश्मा शिंदे हिने विविध भूमिका साकारून रसिकांच्या मनात घर केले आहे. सध्या रेश्मा स्टार प्रवाह वाहिनीवरील घरोघरी मातीच्या चुली या मालिकेत पाहायला मिळते आहे.

रेश्मा शिंदे सध्या चर्चेत आली आहे. ती लवकरच लग्नबेडीत अडकणार आहे. नुकतेच तिच्या केळवणाचे फोटो समोर आले आहेत.

रेश्मा शिंदे हिने स्वतःच इंस्टाग्रामवर तिच्या केळवणाचे फोटो शेअर केले आहेत. हे फोटो शेअर करत तिने लिहिले की, जीवनात ही घडी अशीच राहू दे ..

या फोटोत रेश्माने हिरव्या रंगाची साडी नेसलेली दिसत आहे. यात ती खूप सुंदर दिसते आहे.

केळवणासाठी असलेल्या पंचपक्वानावर अभिनेत्रीने चांगलाच ताव मारलेला दिसत आहे.

हर्षदा खानविलकर, ऋतुजा बागवे, शाल्मली तोळ्ये, सुयश टिळक, अनघा भगरे, आशुतोष गोखले या कलाकारांनी रेश्माचे केळवण केले आहे.

रेश्माच्या केळवणाच्या फोटोंना चाहत्यांची पसंती मिळत आहे. तिच्या फोटोंवर लाइक्स आणि कमेंट्सचा वर्षाव होताना दिसत आहे.

रेश्मा शिंदेच्या या फोटोंवर चाहते अभिनंदनाचा वर्षाव करत आहेत. इतकेच नाही तर सर्वांना तिचा होणारा नवरा कोण आहे, हे जाणून घेण्याची उत्सुकता आहे.