Sara Tendulkar: सारा तेंडुलकरकडे नोकरी करायचीय? लाखांत पगार, सोबत फिरवणार...असा करा अर्ज

Sara Tendulkar post Job Alert: क्रिकेटचा देव सचिन तेंडुलकर याची मुलगी सारा तेंडुलकरने नोकरीची जाहिरात दिली आहे.

क्रिकेटचा देव सचिन तेंडुलकर याची मुलगी सारा तेंडुलकरने नोकरीची जाहिरात दिली आहे. सारा सोशल मीडियावर खूप अॅक्टिव असते. ती दररोज नवनवीन फोटो आणि व्हिडीओ पोस्ट करत असते. तिचे लाख फॅन फॉलोईंग आहेत. इन्स्टाग्रामवर 1.9 दशलक्षहून अधिक तिचे फॉलोअर्स आहेत.

यासाठी साराला व्हिडिओग्राफर आणि एडिटर हवे आहेत. याबाबत साराने इन्स्टाग्रामवर स्टोरीद्वारे माहिती दिली आहे. जर कोणी इच्छुक असेल तर त्याने सारा तेंडुलकरचा ईमेल आयडी contact@saratendulkar.in वर आपली माहिती पाठवावी.

नोकरीचे ठिकाण मुंबई आणि लंडन असणार आहे. म्हणजेच सारा जिथे जिथे फिरायला जाईल तिथे तिथे ती व्हिडीओ ग्राफरला सोबत घेऊन जाणार आहे.

सारा तेंडुलकर सध्या लंडनच्या युनिव्हर्सिटी कॉलेजमधून वैद्यकीय शिक्षण घेत आहे. टीम इंडियाचा युवा फलंदाज शुभमन गिल आणि सारा तेंडुलकर यांच्यात अफेअर असल्याच्या अफवा सोशल मीडियावर सुरू आहेत, पण दोघांनीही याला दुजोरा दिला नाही.

शुभमनचे नाव शाहरुख खानच्या मुलीसोबतही जोडले गेले आहे. सारा तेंडुलकर आता आपल्या अभिनयाने लोकांची मने जिंकण्यासाठी सज्ज झाली आहे. सारा लवकरच बॉलिवूडमध्ये पदार्पण करू शकते, असे सांगितले जात आहे.

मध्यंतरी साराच्या डेब्यूची चर्चा होती. सारा शाहिद कपूरच्या अपोझिट बॉलिवूड डेब्यू करत असल्याचा दावा त्यावेळी केला गेला होता. अर्थात सचिन तेंडुलकरने या अफवा असल्याचं सांगत या सगळ्या बातम्या खोट्या असल्याचं स्पष्ट केलं होतं. लाईमलाईटपासून दूर असलेली सारा सोशल मीडियावर प्रचंड अ‍ॅक्टिव्ह आहे.

साहजिकच आहे साराकडे नोकरी करायची म्हटल्यावर दणकून पगार असणार, तोही लाखांत. म्हणजे तिला त्याच दर्जाचे व्हिडीओग्राफर लागतील, त्याच उच्च दर्जाचे एडिटरही लागणार आहेत.

साराने अशी दिली होती इन्स्टावर जाहिरात.