'सारेगमप लिटिल चॅम्प' फेम प्रथमेश-मुग्धाचं जमलं रे जमलं!, चाहते इंटरनेटवर शोधताहेत 'या' गोष्टी

'Saregamp Little Champ' fame Prathamesh Laghate-Mugdha Vaishampayan: प्रथमेश आणि मुग्धाचे सूर जुळले असले तरी त्यांच्या चाहत्यांना लिटल चॅम्पसबद्दल काही प्रश्न पडलेत.

'सारेगमप लिटिल चॅम्प्स' या कार्यक्रमातून मराठी सिनेसृष्टीला पंचरत्न मिळाले. या पंचरत्नांपैकी सध्या सोशल मीडियावर प्रथमेश लघाटे आणि मुग्धा वैशंपायन या जोडीची चर्चा रंगली आहे.

बालपणापासून एकत्र असलेल्या या जोडीने नुकतीच त्यांच्या प्रेमाची कबुली दिली आहे. आमचं ठरलंय असं म्हणत या दोघांनी एकमेकांसोबतचा एक गोड फोटो शेअर केला.

प्रथमेश आणि मुग्धाने सोशल मीडियावर प्रेमाची कबुली दिल्यानंतर त्यांच्या पोस्टवर नेटकऱ्यांनी कमेंटचा वर्षाव केला आहे.

प्रथमेश आणि मुग्धाचे सूर जुळले असले तरी त्यांच्या चाहत्यांना लिटल चॅम्पसबद्दल काही प्रश्न पडलेत. त्यामुळे त्याचा ते इंटरनेटवर शोध घेत आहेत.

मुग्धा आणि प्रथमेशचं वय किती? ते दोघे किती शिकलेत? त्या दोघांचं गाव कोणतं? दोघांचे लहानपणीचे फोटो या सगळ्या गोष्टी चाहते इंटरनेटवर सर्च करत आहेत.

समोर आलेल्या माहितीनुसार, मुग्धा वैशंपायन ही २३ वर्षांची आहे तर प्रथमेश लघाटे २८ वर्षांचा आहे. दोघांच्या वयात ५ वर्षांचा फरक आहे.

ते दोघेही कोकणातले असून मुग्धाचं गाव अलिबागमधील रोहा आहे. तर प्रथमेश हा चिपळूणचा आहे.

प्रथमेश लघाटेने शास्त्रीय गायनात मास्टर्स पदवी मिळवली आहे. तर मुग्धाने नुकतेच ग्रॅज्युएशन पूर्ण केले आहे.

आता त्यांचे चाहते त्यांच्या लग्नाचे अपडेट्स जाणून घेण्यासाठी उत्सुक आहेत.