'अशी ही बनवा बनवी'मधल्या शंतनूनं लग्नाच्या ५ वर्षानंतर जगाचा घेतला निरोप, अभिनेत्याची पत्नी आहे प्रसिद्ध अभिनेत्री

या अभिनेत्रीला आता ओळखणं कठीण झालं आहे.

अशी ही बनवा बनवी चित्रपट १९८८ साली प्रदर्शित झाला. त्यावेळी या चित्रपटाला खूप चांगला प्रतिसाद मिळाला होता. या चित्रपटातील प्रत्येक पात्र आजही प्रेक्षकांना चांगलेच लक्षात आहे. अशोक सराफ यांच्या म्हणजेच धनंजय मानेच्या भावाची भूमिका साकारली होती सिद्धार्थ रे(Siddharth Ray)ने.

सिद्धार्थ रेने मराठीतच नाही तर हिंदी सिनेइंडस्ट्रीतही काम केले होते. सिद्धार्थने अभिनेत्री शांती प्रियासोबत लग्न केले होते. मात्र लग्नाच्या ५ वर्षांनंतर अचानक अभिनेत्याचे निधन झाले. शांती प्रियाला तिच्या सिनेकारकीर्दीतही बरेच काही सोसावे लागले होते.

शांती प्रिया २८ वर्षांनंतर पुन्हा एकदा मोठ्या पडद्यावर परतणार आहे. ती सरोजिनी नायडू यांची भूमिका साकारताना दिसणार आहे. २८ वर्षांनंतरही अभिनेत्रीला ओळखणे खूप कठीण आहे. तिचा लूक खूप बदलला आहे.

शांती प्रियाला तिच्या सावळ्या रंगामुळे तिला तिच्या अभिनय कारकिर्दीत खूप अडचणींचा सामना करावा लागला. 'इक्के पे इक्का' चित्रपटाच्या सेटवर अक्षयने अभिनेत्रीची खिल्ली उडवली होती. तिने एक छोटा ड्रेस घातला होता आणि तिचे गुडघे दिसत होते, जे काळ्या रंगाचे होते. यासाठी खिलाडी कुमारने तिची खिल्ली उडवली होती.

याशिवाय शांती प्रियासाठी तिचे आयुष्य जगणे सोपे नव्हते. लग्नानंतर ५ वर्षातच तिचा नवरा सिद्धार्थ रेने जगाला अलविदा केले. १९९९ मध्ये तिचे लग्न झाले होते आणि २००४ मध्ये पतीचे निधन झाले होते.

या लग्नापासून अभिनेत्रीला दोन मुले आहेत, ज्यांची जबाबदारी तिने पती गेल्यानंतर एकटीने सांभाळली. अडचणी येऊनही ती कोलमडली नाही. तिने २००८ मध्ये 'माता की चौकी' या टीव्ही सीरियलमधून पुनरागमन केले. २०११ पर्यंत तो प्रसारित झाला.

आता शांतीप्रिया पुन्हा एकदा प्रेक्षकांचे मनोरंजन करताना दिसणार आहे. ती सरोजिनी नायडू, द नाईटिंगेल ऑफ इंडिया यांच्या बायोपिकमध्ये काम करत आहे. या चित्रपटाद्वारे ती तब्बल २८ वर्षांनी पुनरागमन करत आहे. यामध्ये ती वृद्धापकाळाच्या गेटअपमध्ये दिसणार आहे.

शांती प्रिया ५३ वर्षांची झाली आहे. वयाच्या ३५ व्या वर्षी ती मोठ्या पडद्यापासून दूर गेली. या १८ वर्षांत अभिनेत्रीचा लूक खूप बदलला आहे, ज्यामध्ये तिला पूर्वीच्या तुलनेत ओळखणे खूप कठीण आहे.

शांती प्रियाने 'एंगा ओरू पट्टुकरण' या तमिळ चित्रपटातून आपल्या अभिनय कारकिर्दीची सुरुवात केली होती. तिने अनेक साऊथ चित्रपटांमध्ये काम केले आहे.