शर्मिला टागोर यांना होता फुप्फुसाचा कॅन्सर, किमोथेरेपी न घेताच झाल्या बऱ्या; लेक सोहाने सांगितला कठीण काळ

"आईला फुप्फुसाचा कॅन्सर असल्याचं कळलं अन्...", शर्मिला टागोर यांच्याबद्दल सोहाचा मोठा खुलासा

बॉलिवूडमधील सुप्रसिद्ध अभिनेत्री ज्यांनी त्यांच्या अभिनयाने एक काळ गाजवला त्या म्हणजे शर्मिला टागोर. अभिनयासोबत त्यांनी सौंदर्याने प्रेक्षकांना भुरळ घातली होती.

शर्मिला टागोर यांनाही कॅन्सरने गाठलं होतं. मात्र वेळीच निदान झाल्याने किमोथेरेपी न घेता त्या यातून बऱ्या झाल्या.

शर्मिला टागोर यांची लेक आणि बॉलिवूड अभिनेत्री सोहा अली खानने नुकत्याच दिलेल्या एका मुलाखतीत याबाबत खुलासा केला.

"प्रत्येकाला ज्या कठीण परिस्थितीतून जावं लागतं तसं माझ्या कुटुंबालाही जावं लागलं होतं", असं सोहा नयनदीप रक्षित यांना दिलेल्या मुलाखतीत म्हणाली.

"माझ्या आईला स्टेज झिरो फुप्फुसाच्या कॅन्सरचं निदार झालं होतं. ती अशा काही मोजक्या लोकांपैकी होती ज्यांना खूप लवकर याचं निदान झालं".

"तिने किमोथेरेपी वगैरे काही घेतलं नाही. तिच्या शरीरातून हा आजार काढून टाकण्यात आला आणि आता सुदैवाने ती आता बरी आहे", असं सोहाने सांगितलं.

सोहाने शर्मिला टागोर यांच्याबद्दल हे सांगितल्यानंतर अनेकांना मोठा धक्का बसला आहे.