जणू अप्सराच! अपूर्वा नेमळेकरचं आरस्पानी सौंदर्य; दिवाळीनिमित्त केलं खास फोटोशूट

'प्रेमाची गोष्ट' फेम अभिनेत्री अपूर्वा नेमळेकरने दिवाळीनिमित्त सुंदर फोटोशूट केल्याचं पाहायला मिळतंय.

अपूर्वा नेमळेकर ही मराठी मालिकाविश्वातील लोकप्रिय अभिनेत्री आहे.

झी मराठी वाहिनीवरील ‘रात्रीस खेळ चाले’ या मालिकेत तिने 'शेवंता' नावाचं पात्र साकारलं होतं. या मालिकेद्वारे ती घराघरात पोहोचली.

शेवंताच्या अदांनी फक्त अण्णाच नाही तर लाखो जण घायाळ झाले होते. याचबरोबर ती 'बिग बॉस मराठी'च्या चौथ्या पर्वात सहभागी झाली होती.

सध्या अभिनेत्री ‘प्रेमाची गोष्ट’ या मालिकेत खलनायिकेची भूमिका साकारताना दिसते आहे.

अपूर्वा सोशल मीडियावर सक्रीय असून नुकतंच तिने तिच्या इन्स्टाग्राम अकाऊंटवर खास दिवाळीच्या निमित्ताने काही फोटो पोस्ट केले आहेत.

फोटोंमध्ये दाक्षिणात्य लूकमध्ये अभिनेत्री खूपच सुंदर दिसते आहे. शिवाय टेम्पल ज्वेलरीने अभिनेत्रीच्या सौंदर्यात आणखी भर पडली आहे.

अभिनेत्रीचे हे फोटो नेटकऱ्यांच्या पसंतीस उतरले आहेत.

अपूर्वा नेमळेकरने ‘आभास हा’ या मालिकेतून कलाविश्वामध्ये पदार्पण केलं होतं. त्यानंतर ‘आराधना’, ‘एकापेक्षा एक’ या मालिकांमध्ये ती झळकली आहे.