सलमान, अजय अन् अक्षयनेही नाकारलेला सिनेमा पडला पदरात! अभिनेत्याचं उजळलं नशीब

बॉलिवूडच्या या अभिनेत्याचा पहिला सिनेमा बॉक्स ऑफिसवर अपयशी ठरला. त्यानंतर १९९७ साली त्याचे नशीब उजळले.

बॉलिवूड अभिनेता अक्षय खन्नाचे सिनेसृष्टीतील करिअरमध्ये खूप चढउतार आले आहेत. आज आम्ही अभिनेत्याबद्दल अशी एक गोष्ट सांगणार आहोत, जी कदाचित तुम्हाला माहित नसेल. खरेतर अक्षय खन्नाचा पहिला चित्रपट बॉक्स ऑफिसवर फ्लॉप झाला होता. मात्र नंतर त्याला सलमान खान, अक्षय कुमार आणि अजय देवगणने नाकारलेला चित्रपट मिळाला.

चित्रपट दिग्दर्शक जेपी दत्ता यांचा 'बॉर्डर' हा चित्रपट आजही लोकांमध्ये खूप प्रसिद्ध आहे. आजही हा चित्रपट कितीही वेळा पाहिला तरी कंटाळा येत नाही. या चित्रपटाने एकच नाही तर अनेक कलाकारांची कारकीर्द घडवली. हा एक मल्टीस्टारर चित्रपट होता, जो भारत आणि पाकिस्तानमधील युद्धावर आधारित होता.

या चित्रपटात सनी देओलने मेजर कुलदीप सिंग चांदपुरी, विंग कमांडर आनंदच्या भूमिकेत जॅकी श्रॉफ, सहाय्यक कमांडंट कॅप्टन भैरो सिंग (बीएसएफ) म्हणून अक्षय खन्ना, नायब सुभेदार मथुरा दासच्या भूमिकेत सुभेदार रतन सिंग आणि कुक हवालदार भगीरामच्या भूमिकेत कुलभूषण खरबंदा यांनी प्रेक्षकांना प्रभावित केले.

मात्र या चित्रपटात सर्वात जास्त कौतुक झाले ते अक्षय खन्नाचं. जो चित्रपट जगतात नवीन आला होता. हा त्याचा दुसरा चित्रपट होता.

अक्षय खन्नाचा पहिला चित्रपट 'हिमालय पुत्र' बॉक्स ऑफिसवर फ्लॉप ठरला आणि त्याचा दुसरा चित्रपट 'बॉर्डर' बॉक्स ऑफिसवर ब्लॉकबस्टर ठरला. या चित्रपटात अक्षय खन्ना धर्मवीर सिंग भान या नावाने प्रसिद्ध झाला, कारण चित्रपटातील त्याची व्यक्तिरेखा अतिशय दमदार होती.

मीडिया रिपोर्ट्सनुसार, अक्षय या चित्रपटाच्या भूमिकेसाठी निर्मात्यांची पहिली पसंती नव्हती, तर निर्माते आणि दिग्दर्शक या भूमिकेसाठी एका प्रसिद्ध अभिनेत्याला कास्ट करायचे होते. या भूमिकेची ऑफर घेऊन जेपी दत्ता पहिल्यांदा सलमान खानकडे गेल्याचे सांगितले जाते.

जेव्हा सलमानला धरमवीर सिंग भानच्या भूमिकेची ऑफर देण्यात आली तेव्हा त्याने स्वतःला या भूमिकेसाठी योग्य मानले नाही आणि ती ऑफर नाकारली. मीडिया रिपोर्ट्सनुसार, सलमानच्या नकारानंतर दिग्दर्शकाने अक्षय कुमारशी संपर्क साधला, पण त्यानेही काही कारणास्तव हा चित्रपट करण्यास नकार दिला. सलमान आणि अक्षयनंतर जेपी दत्ता यांनीही अजय देवगणशी संपर्क साधला आणि त्यानेही ही ऑफर नाकारली.

अखेर दिग्दर्शकाने अक्षय खन्ना या नवीन अभिनेत्याला चित्रपटात काम करण्याची ऑफर दिली आणि अक्षयने लगेचच त्यात काम करण्यास होकार दिला. आजही अक्षय खन्ना या चित्रपटातील धरमवीर सिंग भान या नावाने प्रेक्षकांच्या मनात घर करून कायम आहे.