See Photo : लिओनेल मेस्सीचं ७२ कोटींचं आलिशान अपार्टमेंट, गाडीसाठी स्वतंत्र लिफ्ट!

बार्सिलोना क्लबचा स्टार फुटबॉलपटू लिओनेल मेस्सीच्या ( Lionel Messi) मियामी येथील आलिशान अपार्टमेंटची सध्या जोरदार चर्चा आहे.

ला लिगा क्लब बार्सिलोनासह करारावरून वाद झाल्यापासून मँचेस्टर सिटी आणि पॅरिस सेंट जर्मेन त्याला आपल्या ताफ्यात घेण्यासाठी प्रयत्न करत आहेत. पण, ३३ वर्षीय मेस्सीनं MLSमध्ये खेळण्याची इच्छा व्यक्त केली आहे.

स्पॅनिश टीव्हीला दिलेल्या मुलाखतीत मेस्सी म्हणाला,''सध्याच्या घडीला क्लबसाठी सर्वोतपरी खेळ करण्याचा माझा निर्धार आहे. मला भविष्यात अमेरिकेत खेळायला आवडेल आणि तेथील जीवनशैलिचा अनुभव घ्यायचा आहे.''

स्वप्न पूर्ण करण्यासाठी मेस्सीनं मियामीत आलिशान अपार्टमेंट खरेदी केलं आहे. त्याची किंमत ७.२५ मिलियन पाऊंड म्हणजेच जवळपास ७२ कोटी, ४० लाख ४९,८८७ इतकी आहे.