Corona Virus : कोरोनाचे थैमान! 35 दिवसांत 60 हजार जणांचा मृत्यू; 'हे' नवं लक्षण अत्यंत घातक; वेळीच व्हा सावध

Corona Virus : कोरोना व्हायरस जितक्या वेगाने त्याचे स्वरूप बदलत आहे आणि त्याचे नवीन प्रकार येत आहेत, तितक्याच वेगाने कोरोनाची लक्षणे बदलत आहेत

वेगाने पसरणाऱ्या कोरोनामुळे लोकांच्या मनात भीतीचे वातावरण निर्माण झाले आहे. पुन्हा एकदा कोरोनाचा कहर पाहायला मिळत असून गंभीर परिस्थिती निर्माण झाली आहे. कोरोनाचा धोका कमी होण्याचे नाव घेत नाही आहे. या धोकादायक व्हायरसचा प्रादुर्भाव पुन्हा एकदा वाढू लागला आहे.

TOI च्या रिपोर्टनुसार, चीनमध्ये गेल्या 35 दिवसांत या प्राणघातक व्हायरसमुळे 60 हजार लोकांचा मृत्यू झाला आहे. त्यापैकी 5503 लोकांचा श्वसनाच्या समस्येमुळे मृत्यू झाला तर 54435 लोकांचा कोरोनामुळे होणाऱ्या अंतर्गत आजारांमुळे मृत्यू झाला. कोरोनाने थैमान घातले आहे.

सध्या, Omicron चे सब-व्हेरिएंट, XBB.1.5 भीतीचे वातावरण निर्माण करत आहे. हा प्रकार चीन, अमेरिका, युरोपातील अनेक देशांसह भारतात दाखल झाला आहे. हा प्रकार क्रॅकेन या नावानेही ओळखला जातो. जगभरात हा झपाट्याने पसरत असून आतापर्यंत 29 देशांमध्ये आढळून आला आहे.

कोरोना व्हायरस जितक्या वेगाने त्याचे स्वरूप बदलत आहे आणि त्याचे नवीन प्रकार येत आहेत, तितक्याच वेगाने कोरोनाची लक्षणे बदलत आहेत. आता फक्त ताप, खोकला किंवा श्वास लागणे ही त्याची लक्षणे नाहीत. सध्या कोरोनाचे नवीन लक्षण 'भूक न लागणे' बहुतेक लोकांमध्ये दिसून येत आहे.

कोरोना संसर्गाशी संबंधित लक्षणांची संख्या झपाट्याने वाढत आहे. संक्रमणाशी संबंधित लक्षणे बदलतात कारण नवीन रूपे उदयास येतात आणि लसीची व्याप्ती वाढते. ताप, थकवा, वेदना, चव कमी होणे आणि भूक न लागणे यासह काही लक्षणे सुरुवातीपासूनच सामान्य आहेत.

सध्याच्या प्रकरणांमध्ये, असे दिसून येत आहे की अनेक रुग्णांना संसर्ग झाल्यानंतर लगेचच पोटभर जेवण घेण्यास त्रास होतो. भूक न लागणे हे कोरोनाचे प्रारंभिक लक्षण आहे परंतु काही दिवसांनी ते बरे होते.

Zoe Covid App नुसार, साथीच्या रोगाच्या सुरूवातीस, संसर्गाची काही विशिष्ट लक्षणे म्हणजे डोकेदुखी, वास न येणे, भूक न लागणे, अतिसार, घसा खवखवणे, छातीत दुखणे, खोकला इ. होती. कोरोनाचा संसर्ग रोखण्यासाठी शर्थीचे प्रयत्न केले जात आहेत.

गेल्या काही दिवसांत, कोरोनाग्रस्त 10 पैकी तीन रुग्णांमध्ये भूक कमी होण्याची लक्षणे दिसून आली आहेत. हे लक्षण वाढत्या प्रमाणात अडथळा आणत आहे आणि आता दर दहापैकी चार लोकांमध्ये दिसून येते. या लक्षणात रुग्णाला कसे वाटते? असे सांगितले जात आहे की रुग्णाला अनेक आठवडे चव आणि वास जाणवत नाही.

ZOE App सुचवते की जर तुम्हाला भूक न लागण्यासारखी लक्षणे दिसली, तर तुम्ही स्वतःला खाण्याची सक्ती करू नका, तथापि, गमावलेले पाणी भरून काढण्यासाठी द्रवपदार्थ पिणे आवश्यक आहे जेणेकरून तुमचे शरीर संसर्गापासून लढू शकेल.

अन्नपदार्थ खाणं पूर्णपणे सोडू नये. तुम्हाला आवडणारे पदार्थ निवडा आणि नवीन पदार्थांचे प्रयोग करत राहा. याशिवाय शिंका येणे, कफ नसलेला खोकला, डोकेदुखी, कफ असलेला खोकला, कर्कश आवाज, स्नायू दुखणे, दुखणे अशा तक्रारीही रुग्णांना होत आहेत.

कोविडची लक्षणे कालांतराने लक्षणीयरीत्या कशी बदलली आहेत ते लक्षात घ्या. त्यामुळे, तुम्हाला कोणतीही लक्षणे जाणवल्यास, ताबडतोब स्वतःची तपासणी करून घ्या आणि खबरदारी घ्या. डॉक्टरांचा योग्य सल्ला घ्या आणि मास्कचा वापर करा. एका हिंदी वेबसाईटने याबाबतचे वृत्त दिले आहे,