China Coronavirus: कोरोना व्हायरसचे भारतात ५ रुग्ण; बचावासाठी उचला 'ही' १० पाऊले, अन्यथा...

चीनमधून पसरलेल्या भयानक कोरोना व्हायरस आता दिल्लीतही दाखल झाला आहे. या धोकादायक व्हायरसमुळे आतापर्यंत सुमारे 3 हजार लोकांचा बळी गेला असून सुमारे 90 हजार लोकांना याची लागण झाली आहे. आतापर्यंत देशातील एकूण पाच रुग्णांना कोरोना व्हायरस झाल्याचं आढळून आलं आहे.

1. नियमितपणे हात धुवा

दिवसातून कमीतकमी 20 सेकंदासाठी साबणाने आणि पाण्याने नियमितपणे हात धुवा. एक चांगला सॅनिटायझर देखील बॅक्टेरिया नष्ट करण्यासाठी वापरला जाऊ शकतो. असे केल्याने हातावर जिवंत विषाणूपासून मुक्तता होईल.

2. योग्य अंतर ठेवा

आपल्या आसपासच्या लोकांपासून कमीतकमी 3 फूट अंतर राखण्याचा प्रयत्न करा. विशेषत: ज्याला खोकला किंवा सर्दी आहे अशा व्यक्तीकडून लांब राहा, जेव्हा एखादी व्यक्ती खोकला किंवा शिंकतो तेव्हा हा विषाणू हवेत पसरतो. आपण अधिक जवळ राहिल्यास श्वासोच्छवासाने हा विषाणू आपल्या शरीरात प्रवेश करू शकतो.

3. नाक, तोंड आणि डोळे वारंवार स्पर्श करु नका

बर्‍याचदा आपण वारंवार आपल्या नाक, तोंड आणि डोळ्यांना स्पर्श करत राहतो. हे करू नका. दूषित हवेपासून विषाणू नाक, तोंड किंवा डोळ्यांतून शरीरात जाऊ शकतो.

4. शिंकताना टिशू वापरा

आपल्या सभोवतालच्या स्वच्छतेची विशेष काळजी घ्या. शिंका येणे किंवा खोकताना, नाक आणि तोंड टिशूने झाकून टाका, ताबडतोब हा टिशू डस्टबिनमध्ये फेकून द्या. शिंकण्याने सोडल्या जाणार्‍या द्रवपदार्थात बरेच व्हायरस असतात आणि ते वेगाने पसरू शकतात.

5. ताप, खोकला आणि सर्दी याकडे दुर्लक्ष करु नका

जर आपल्याला ताप, खोकला किंवा श्वास घेण्यात त्रास होत असेल तर ताबडतोब डॉक्टरांना भेटा. घरी राहण्याचा प्रयत्न करा. डॉक्टरांशी त्वरित संपर्क साधल्यास आजाराचं कारण लगेच शोधता येईल.

6. मोबाइल स्क्रीन स्वच्छ ठेवा

आठवड्यातून एकदा आपला स्मार्टफोनचा डिसप्ले स्वच्छ करा. यामुळे फोनच्या वरच्या भागामधील सर्व जंतूंचा नाश होतो. आपल्या हातात 24-तास स्मार्टफोन असल्याने त्याच्या स्क्रीनवर व्हायरस असण्याची शक्यता आहे. स्क्रीनमध्ये मेथिसिलिन प्रतिरोधक स्टेफिलोकोकस ऑरियस (एमआरएसए) नावाचे बॅक्टेरिया असतात.

7. स्नानगृह स्वच्छ करा

स्नानगृह स्वच्छ करताना शॉवर अवश्य स्वच्छ करा. हे डेटॉल पाण्याने धुतले जाऊ शकते. स्नानगृहात प्लास्टिकचे पडदे वापरू नका. मॅथलोबॅक्टरसह शॉवरमध्ये अनेक जंतू वाढतात. बर्‍याच संशोधनात असे दिसून येते की शॉवर आणि बाथरूमच्या पडद्यांवर हे व्हायरसचा प्रार्दुभाव असतो.

8. हवाई प्रवासात काळजी घ्या

विमानातील क्रू सदस्यांकडून खाद्यपदार्थ घेण्यापूर्वी आपले हात नीट स्वच्छ करा. क्रू मेंबर्सकडून कोरोनाव्हायरसचा प्रादुर्भाव होण्याची भीती हवाई प्रवासामध्ये सर्वाधिक आहे.

9. हॉस्पिटलमध्ये जावे लागल्यास दही खा

जर तुम्हाला दवाखान्यात राहावे लागल्यास तुमच्या जेवणामध्ये दही वापरण्याचा प्रयत्न करा. दह्यामध्ये अ‍ॅसीडोफिलस नावाचे बॅक्टेरियम असते जे बर्‍याच व्हायरसना नष्ट करते.

10. मार्स्कचा वापर करा

आपल्याला खोकला किंवा सर्दी असल्यास मार्स्क वापरा, विशेषत: बाहेर पडताना आपल्यामुळे इतरांना व्हायरसची लागण होऊ शकते, याची विशेष काळजी घ्या.