कोरोना काळात शाळा, हॉटेल्सपेक्षा जास्त घातक ठरू शकतं सुपरमार्केट्समध्ये जाणं; रिसर्चमधून खुलासा

२०२० मधील जागतीक माहामारी ही सगळ्यांचाच लक्षात राहील. कोरोनाच्या माहामारीला सुरूवात होऊन १ वर्ष झालं तरी अजूनही परिस्थिती नियंत्रणात आलेली नाही. कोरोना संसर्गाचा धोका दिवसेंदिवस अधिकाधिक वाढत आहे. नवीन वर्षांच्या सुरूवातीला लोक हॉटेल्समध्ये जाऊन खाणं, मॉलमध्ये फिरण्याची प्लॅनिंग करत आहेत. नकळतपणे अशावेळी संसर्गाचा धोका वाढण्याची शक्यता असू शकते. म्हणून वेळीच सावधगिरी बाळगणं गरजेचं आहे.

बर्‍याच लोकांचा असा विश्वास आहे की बाहेर खाणे आणि रेस्टॉरंट्समध्ये जाणे कदाचित सध्याच्या स्थितीत सर्वात असुरक्षित आहे, एनएचएस, यूके यांनी नुकत्याच केलेल्या सर्वेक्षणात असे आढळले आहे की कोरोनाला लागण होण्यापूर्वी बहुतेक लोक किराणा दुकान किंवा सुपरमार्केटमध्ये गेले होते, त्यांच्यामध्ये कोरोनाची लक्षणं आढळून आली होती.

पीएचई (पब्लिक हेल्थ इंग्लंड) आणि एनएचएस यांनी ट्रेस अॅप वापरून कोरोना रुग्ण शोधले. ज्या लोकांना कोरोना संसर्ग झाल्याचे आढळले आहे. त्यांचे विश्लेषण केल्यावर असे आढळले की एखादा नातेवाईक किंवा जवळचा नातलग सुपरमार्केट किंवा गर्दीच्या दुकानात गेला होता ज्यानंतर त्यांच्यामध्ये लक्षणं आढळून आली होती. किराणा दुकान किंवा सुपरमार्केटमध्ये एकमेकांच्या जवळ बरेच कॉरिडॉर असतात आणि असे दिसून आले आहे की एखाद्या संक्रमित व्यक्तीने ज्या वस्तूला स्पर्श केला आहे त्या वस्तूला इतरांनीस्पर्श केल्यानं धोका वाढला.

बीएमजे जर्नलमध्ये काही महिन्यांपूर्वी प्रकाशित केलेल्या आणखी एका अभ्यासात असे दिसून आले आहे की सुपरमार्केट आणि किराणा दुकानात संसर्ग दर 18.6% आहे. जो शाळा, नर्सिंग होम, हॉटेल, रेस्टॉरंट्स आणि अगदी सार्वजनिक वॉशरूमपेक्षा जास्त आहे.

स्वच्छतेचा अभाव, मास्क न वापरणं यामुळे संसर्ग वाढू शकतो. सार्वजनिक ठिकाणी लोक अनेकदा निष्काळजीपणा करताना दिसून येतात.

कोरोनापासून बचावासाठी किरकोळ विक्रेत्यांनी कठोर उपाययोजना केल्या आहेत आणि खबरदारी घेण्यासाठी लोक अधिक सजग असले तरी, किराणा दुकान हे एक अत्यावश्यक आहे ज्यासाठी बहुतेक लोक बाहेर जातात. यूकेच्या सर्वेक्षणात असेही आढळले आहे की सार्वजनिक संस्था, रेस्टॉरंट्स, कॅफे, जिमला भेट दिल्यानंतर लोकांमध्ये कोरोनाचे रुग्ण जास्त आढळले आहेत, परंतु खरेदी करणार्‍यांपेक्षा अशा प्रकारच्या प्रकरणांची टक्केवारी कमी आहे.

दरम्यान खरोखर जर तुम्हाला जोखिम कमी करायची असेल तर सुपरमार्केट्समध्ये सतत आणि गर्दीच्यावेळी जाणं टाळा. किंवा एकदाच सगळं सामान मागवण्याचा प्रयत्न करा. वयस्कर लोक, लहान मुलं यांना शक्यतो घरीच राहू द्या. अन्यथा संसर्ग वाढण्याची शक्यता जास्त असते.