Coronavirus : लॉकडाऊनदरम्यान असं राहा मानसिक आणि शारीरीकदृष्ट्या फिट

Coronavirus : कोरोनाचा संसर्ग रोखण्यासाठी लॉकडाऊनची घोषणा करण्यात आली आहे. लॉकडाऊनमुळे अनेक जण घरामध्ये बसून आहेत.

कोरोना व्हायरसने जगभरात कहर केला आहे. कोरोनाचा संसर्ग रोखण्यासाठी लॉकडाऊनची घोषणा करण्यात आली आहे. लॉकडाऊनमुळे अनेक जण घरामध्ये बसून आहेत.

लॉकडाऊनदरम्यान स्वतःची काळजी घेणं अत्यंत महत्त्वाचं आहे. घरी राहून मानसिक आणि शारीरिक दृष्ट्या कसं फिट राहायचं हे जाणून घेऊया.

जास्त विचार करू नका

काम नसेल आणि घरी बसून असू तर मनात अनेक विचार येतात. जास्त विचार करू नका. डोक शांत ठेवा. सकारात्मक गोष्टींवर चर्चा करा.

कुटुंबासोबत वेळ घालवा

कामाच्या गडबडीत कुटुंबाला वेळ द्यायला मिळत नाही. मुलांसोबत मजा करा. मोकळेपणाने चर्चा केल्यावर छान वाटेल.

छंद जोपासा

आपल्या आवडीचा छंद जोपासा म्हणजे मन प्रसन्न होईल. काहींना चित्र काढायला आवडत तर काहींना वाचायला आवडत यामुळे आनंद मिळेल.

व्यायाम करा

व्यायाम हा शरीरासाठी अत्यंत फायदेशीर असतो. त्यामुळे नियमित व्यायाम करा. म्हणजे काम करताना उत्साह वाटेल आणि शरीर सुदृढ राहील

आवडती गाणी ऐका

गाणी ऐकायला सर्वांनाच आवडतं. प्रत्येकाच्या गाण्याची निवड ही वेगळी असते. तुमच्या आवडीची गाणी ऐका म्हणजे मूड फ्रेश होईल

आहाराकडे नीट लक्ष द्या

आहार हा अत्यंत महत्त्वाचा असतो. त्यामुळे पोषक पदार्थांचा जेवणात समावेश करा. उपाशी पोटी झोपू नका.

भरपूर पाणी प्या

पाणी हे शरीरासाठी गरजेचं आहे. त्यामुळे भरपूर पाणी प्या. डॉक्टरही जास्त पाणी पिण्याचा सल्ला देतात.

गेम खेळा

बुद्धिबळ, कॅरम यासारखे गेम सर्वांसोबत खेळा. मोबाईलवर ही विविध गेम खेळत येतात. ते खेळल्यावर बरं वाटेल तसेच थोडं रिलॅक्स होता येईल.

मित्र मैत्रिणीशी गप्पा मारा

घरी बसून राहिल्याने कंटाळा येतो. व्हिडिओ कॉल किंवा कॉन्फरेन्स कॉलच्या मदतीने मित्र मैत्रिणीशी मनसोक्त गप्पा मारा आणि मस्त राहा

आरोग्याची काळजी घ्या

धावपळीत आरोग्याची काळजी घेणं अत्यंत महत्त्वाचं आहे. सर्दी खोकला यासारखा त्रास होत असेल तर त्याकडे दुर्लक्ष करू नका. वेळीच डॉक्टरांचा सल्ला घ्या.