यावेळेनंतर फळं खाल तर पश्चाताप करण्याची वेळ येईल, घातक आजारांना आयतं निमंत्रण द्याल

फळं खाण्याची योग्य वेळ कोणती आहे हे आपल्याला माहिती असणे गरजेचे आहे. बर्‍याच वेळा आपल्या हातात पौष्टिक फळे असतात पण ती योग्य वेळी न खाल्ल्यास ते आपल्या आरोग्यासाठी हानिकारक ठरू शकते. कोणत्या वेळी फळे खाणे फायद्याचे असते हे आपण जाणून घेऊया...

आपल्या शारीरिक आणि मानसिक आरोग्यासाठी पोषण अत्यंत महत्वाचे आहे. फळे जीवनसत्त्वे आणि खनिजांसाठी सर्वोत्तम स्रोत मानली जातात. पण काही फळं संध्याकाळी ४ नंतर टाळले पाहिजेत. या वेळेनंतर फळं खाणे शरीराला हानी पोहोचवू शकते.

तज्ञांच्या मते, ज्याप्रमाणे निरोगी राहण्यासाठी जेवण जेवण्याची जशी एक आदर्श वेळ आहे, त्याचप्रमाणे फळे खाण्याची एक निश्चित वेळ असावी जेणेकरून आपल्याला त्यातून जास्तीत जास्त पोषण मिळू शकेल.

जर तुमचा आयुर्वेदावर विश्वास असेल तर असे सांगितले गेले आहे की, सूर्यास्तापूर्वी आपण फळांचे सेवन केले पाहिजे. सूर्यास्ताची वेळ संध्याकाळी 4 वाजता सुरू होते.

याबद्दल लाइफस्टाइल आणि वेलनेस कोच ल्यूक कॉन्टिन्हो यांनी अलीकडेच इन्स्टाग्रामवर आपल्या फॉलोअर्सला सांगितले की, सूर्यास्तापूर्वी फळे का खावीत.

आपल्या पोस्टमध्ये, ल्यूकने लिहिले की, 'आयुर्वेदानुसार,' भारताच्या प्राचीन वैद्यकीय पद्धतीत संध्याकाळी फळे खाल्ल्याने झोपेच्या वेळापत्रकावर परिणाम होऊ शकतो आणि पाचन तंत्रातही व्यत्यय येऊ शकतो. पुरेशी झोप न मिळणे ही आधीच लोकांच्या चिंतेची बाब बनली आहे.

जसे आपल्याला माहित आहे की बहुतेक फळांमध्ये कार्बोहायड्रेट्स असतात ज्यामुळे ते लवकर पचतात. अशी फळे झटपट ऊर्जेचा एक चांगला स्त्रोत आहेत, परंतु हे लक्षात ठेवा की ते आपल्या रक्तातील साखरेला खूप वेगाने वाढवतात.

हेच कारण आहे की झोपेच्या आधी थोडेसे या फळांचे सेवन केल्याने रक्तातील साखर वाढून झोप खराब होऊ शकते. दुसरे म्हणजे, सूर्यास्तानंतर आपली पाचन प्रणाली थोडी सुस्त होते आणि म्हणूनच लोकांना फळांमध्ये असलेले कार्बोहाइड्रेट्स पचवणे कठीण होते. म्हणून, संध्याकाळी कमी कार्बोहायड्रेट खाले पाहिजे.

लूकच्या मते, सकाळी रिकाम्या पोटी फळांचे सेवन करणे आपल्या आरोग्यासाठी चांगले असते. सुमारे 10 तास काहीही न खाता झोपेतून उठल्यानंतर आपले पोट रिकामे असते. यावेळी फळे खाल्ल्याने शरीराला पुरेसे पोषक मिळतील आणि चयापचय प्रणाली देखील योग्य होईल.

तज्ञांनी असेही सांगितले की फळे एकतर अन्नाबरोबर खावीत किंवा जेवणानंतर लगेच खावीत. जेवणाच्या वर फळे खाल्ल्यानंतर, तुम्ही सुमारे साडेतीन तास काहीही खाणे टाळावे. सकाळ व्यतिरिक्त, आपण व्यायाम करण्यापूर्वी किंवा नंतर कार्ब्स घेऊ शकता. सूर्यास्तानंतर, चरबी, प्रथिने आणि कमी कार्ब्स खाणे चांगले.

आपण एकाच वेळी कोणतेही एक फळ खावे आणि या फळांना दुग्धजन्य पदार्थ किंवा हिरव्या भाज्यांसह एकत्र करू नये. दुग्धजन्य पदार्थ किंवा हिरव्या भाज्यांसह फळांचे सेवन केल्याने शरीरात विष निर्माण होते. या विषांमुळे आपण अनेक प्रकारच्या आजारांना बळी पडू शकतो.