चिंताजनक! कोरोना महामारीमध्ये आणखी एका महामारीचा धोका, WHO कडून भीषण नुकसानाचा इशारा

WHO कडून सांगण्यात आले आहे की, कोरोना आजाराच्या तुलनेत महामारीमुळे निर्माण झालेल्या स्थितीच्या कारणाने अधिक नुकसान होऊ शकतं.

WHO कडून सांगण्यात आले आहे की, कोरोना व्हायरस महामारीचा अप्रत्यक्ष प्रभाव सर्वात जास्त महिला, लहान मुले आणि तरूणांवर पडू शकतो.

WHO चे प्रमुख टेड्रोस एडहॅनम घेब्रियेसुस म्हणाले की, कोरोनाच्या अप्रत्यक्ष प्रभावामुळे या खास समुहावर जो वाईट प्रभाव पडेल, तो कोविड-19 व्हायरसमुळे होणाऱ्या मृत्यूंपेक्षाही भयावह असू शकतो.

टेड्रोस एडहॅनम घेब्रियेसुस म्हणाले की, अनेक ठिकाणी महामारीमुळे हेल्थ सिस्टीमवर दबाव वाढला आहे. त्यामुळे प्रेग्नन्सी आणि डिलिव्हरीशी संबंधित समस्यांमुळे महिलांच्या मृत्युचा धोका वाढू शकतो.

यूनायटेड नेशन्स पाप्युलेशन फंडच्या एग्झिक्युटीव्ह डायरेक्टर नतालिया कनेम यांवर सांगितले की, 'महामारीच्या आता आणखी एक महामारी निर्माण झाली आहे.

नतालिया कनेम म्हणाल्या की, एका अंदाजानुसार, दर 6 महिन्याच्या लॉकडाऊनमुळे 4.7 कोटी महिला कंट्रोसेप्शन सुविधा गमावतील. त्यामुळे 6 महिन्याच्या लॉकडाऊनमध्ये इच्छा नसतानाही 70 लाख बाळांचा जन्म होईल.

इंटर पार्लियामेंट्री यूनियनचे प्रेसिडेन्ट ग्रॅब्रिएला कुवस बॅरन म्हणाले की, महामारीमुळे 4 ते 6 कोटी बालकांवर भीषण गरीबीचा धोका निर्माण झालाय. जगातल्या अनेक देशांमध्ये महामारीमुळे शाळा अनेक महिने बंद आहेत. (Image Credit : forbes.com)

जगात आतापर्यंत कोरोना व्हायरसचे 76.5 लाखपेक्षा अधिक केसेस समोर आल्या आहेत. तर 4.25 लाख लोकांना आपला जीव गमवाव लागला आहे. अशात ही नवीन माहिती चिंता वाढवणारी आहे.