CoronaVirus News : "फक्त फुफ्फुसांवर नाही तर शरीरातील 'या' अवयवांवर हल्ला करतो कोरोना"

CoronaVirus Marathi News and Live Updates: कोरोनामुळे भीतीचे वातावरण निर्माण झाले आहे. अनेक देशात गंभीर परिस्थिती असून व्हायरसवर नियंत्रण मिळवण्यासाठी वेगाने प्रयत्न सुरू आहेत. योग्य ती काळजी घेतली जात आहे.

जगभरात कोरोनाने थैमान घातले आहे. रुग्णांची संख्या सातत्याने वाढत असून तब्बल एक कोटीचा टप्पा पार केला आहे. तर पाच लाखांहून अधिक लोकांना आपला जीव गमवावा लागला आहे.

कोरोनामुळे भीतीचे वातावरण निर्माण झाले आहे. अनेक देशात गंभीर परिस्थिती असून व्हायरसवर नियंत्रण मिळवण्यासाठी वेगाने प्रयत्न सुरू आहेत. योग्य ती काळजी घेतली जात आहे.

कोरोनावर अद्याप कोणतेही औषध अथवा लस उपलब्ध झालेली नाही. जगभरात यासाठी युद्धपातळीवर प्रयत्न सुरू आहे. कोरोनाबाबतची नवनवीन माहिती ही संशोधनातून समोर येत आहे.

कोरोना व्हायरस हा शरीरात प्रवेश केल्यावर फुफ्फुसांवर हल्ला करतो असं म्हटलं जातं. मात्र याबाबत आता एक नवीन धक्कादायक माहिती समोर आली आहे.

रिसर्चमधून डॉक्टरांनी अत्यंत महत्त्वाची माहिती दिली आहे. कोरोना अधिकाधिक धोकादायक होत असल्याचा इशारा शास्त्रज्ञांनी दिला आहे. त्यामुळे सगळ्यांचीच चिंता वाढली आहे.

कोरोनाचा व्हायरस फुफ्फुसांवर हल्ला करतो. त्यामुळे श्वासोच्छवासात समस्या निर्माण होते. मात्र आता कोरोना संपूर्ण शरीरावर हल्ला करतो अशी माहिती डॉक्टरांनी दिली आहे.

कोरोना फुफ्फुसासोबतच किडनी, लिव्हर, हृदय, मेंदू, त्वचा आणि नर्व्हस सिस्टिमवरही हल्ला करतो अशी चिंताजनक माहिती समोर आली आहे.

कोलंबिया विद्यापीठाच्या तज्ज्ञ डॉक्टरांनी कोरोना रुग्णांचा अभ्यास केल्यानंतर ही माहिती दिली आहे. कोरोना वायरस शरीरातील महत्त्वाच्या घटकांवर हल्ला करत असल्याचं म्हटलं आहे.

कोरोनाची लागण झालेल्या व्यक्तीला श्वास घेण्यात अडचणी येतात. मात्र आता कोरोना शरीरावरही परिणाम करत असल्याचे पुरावे शास्त्रज्ञांना सापडू लागले आहेत. त्यामुळे चिंता वाढली आहे.

मधूमेह, उच्च रक्तदाब, किडनीचे विकार, हृदयासंबंधी समस्या असलेल्या व्यक्तींना कोरोनाचा धोक अधिक असल्याचं देखील म्हटलं आहे. त्यामुळे या व्यक्तींनी काळजी घेणं आवश्यक आहे.

कोरोना व्हायरस शरीरातील मुख्य कार्यप्रणालीवरच हल्ला करतो. महत्त्वाच्या अवयवाचं नुकसान करतो. यामुळे अनेक शारीरीक समस्या निर्माण होतात.

डोकेदुखी, चक्कर येणे, स्नायू दुखणे, पोटदुखी, खोकला आणि ताप यासारख्या गोष्टींचा त्रास होतो. कोरोना रुग्णांमध्ये ही लक्षण आढळून येत आहेत.

कोरोनाचा धोका ही दिवसागणिक वाढत आहे. तसेच वेगाने यावर संशोधन सुरू आहे. एका हिंदी वेबसाईटने याबाबतचे वृत्त दिले आहे.

काही दिवसांपूर्वी कोरोना व्हायरसमुळे मेंदूशी संबंधित विविध आजारांचा सामना करावा लागू शकतो, अशी धोक्याची सूचना युनिव्हर्सिटी कॉलेज लंडनमधील (यूएलसी) संशोधकांनी दिली.

यूएलसीमधील संशोधकांनी 43 कोरोना रुग्णांच्या परिस्थितीचा आढावा घेतला. या रुग्णांना स्ट्रोक, मेंदू आणि मज्जातंतूंच्या आजारांचा सामना करावा लागत असल्याची माहिती संशोधनातून समोर आली आहे.

भारतातील कोरोनाग्रस्तांचा आकडा वाढला असून रुग्णांची संख्या 8,49,553 वर गेली आहे. तर आतापर्यंत तब्बल 22,674 जणांना आपला जीव गमवावा लागला आहे.