CoronaVirus News : बापरे! मास्क न लावल्यास अटक होणार; 'या' देशाने घेतला मोठा निर्णय

CoronaVirus Marathi News and Live Updates: कोरोनाचा संसर्ग टाळण्यासाठी घराबाहेर पडताना मास्क लावणं आवश्यक आहे. अनेक ठिकाणी मास्क लावणं अनिवार्य करण्यात आलं असून न लावल्यास दंड आकारण्यात आला आहे.

जगभरात कोरोनाने थैमान घातले आहे. कोरोनाग्रस्तांची संख्या सातत्याने वाढत असून गंभीर परिस्थिती निर्माण झाली असून लाखो लोकांचा मृत्यू झाला आहे.

कोरोनामुळे मृत्युमुखी पडलेल्यांमध्ये सर्वाधिक संख्या ही अमेरिकेतील रुग्णांची आहे. तर इटली, स्पेन, युरोपमधील परिस्थिती गंभीर निर्माण झाली आहे.

भीतीचे वातावरण निर्माण करणाऱ्या कोरोनामुळे आतापर्यंत तीन लाखांहून अधिक लोकांना आपला जीव गमवावा लागला आहे. तर तब्बल 48 लाख लोकांना त्याचा संसर्ग झाल्याची माहिती मिळत आहे.

भारतातील कोरोनाग्रस्तांचा आकडा ही वेगाने वाढत आहे. भारतातील कोरोनाग्रस्तांची संख्याही एक लाखांहून अधिक झाली असून आतापर्यंत अनेकांना आपला जीव गमवावा लागला आहे.

कोरोनाचा संसर्ग रोखण्यासाठी सर्वच देशांमध्ये खबरदारीचे उपाय केले जात आहेत. कोरोनाग्रस्तांवर रुग्णालयात योग्य उपचार केले जात असून अनेकांना क्वारंटाईन करण्यात आले आहे.

कोरोनाचा संसर्ग टाळण्यासाठी घराबाहेर पडताना मास्क लावणं आवश्यक आहे. अनेक ठिकाणी मास्क लावणं अनिवार्य करण्यात आलं असून न लावल्यास दंड आकारण्यात आला आहे.

स्पेनमध्ये कोरोनामुळे गंभीर परिस्थिती निर्माण झाली होती. सध्या करोनाबाधितांच्या संख्येत घट होत आहे. त्यानंतर आता स्पेनमध्ये नियमांचे काटेकोरपणे पालन करण्याचे आदेश नागरिकांना देण्यात आले आहेत.

सार्वजनिक ठिकाणी वावरताना मास्क न लावल्यास अटक करण्यात येणार आहे. कोरोनाच्या पार्श्वभूमीवर स्पेनने हा कठोर निर्णय घेतला आहे.

कोरोनाचा संसर्ग रोखण्यासाठी स्पेनमध्ये काही नियम लागू करण्यात आले आहे. यामध्ये गर्दीच्या ठिकाणी, सार्वजनिक वाहतूक व्यवस्थेचा वापर करताना मास्क घालणे अनिवार्य करण्यात आले आहे.

विशेषत: ज्या ठिकाणी दोन मीटरचे सोशल डिस्टेंसिंगचा नियमांचे पालन करणे कठीण आहे, त्या ठिकाणी मास्क घालणे अनिवार्य आहे.

समुद्र किनारी बसण्यास मनाई करण्यात आली असून गर्दी कमी करण्यासाठी सोशल डिस्टेंसिंग व इतर पर्यायाचा अवलंब करण्यात येणार आहे.

स्पेनच्या आरोग्यमंत्र्यांनी दिलेल्या माहितीनुसार, पुढील काही दिवसांत नव्या आदेशांबाबत सविस्तर माहिती दिली जाईल. स्पेनमधील विविध क्षेत्रातील प्रतिनिधींशी चर्चा केल्यानंतर स्पेन सरकारने हा निर्णय घेतला आहे.

स्पेनमध्ये मागील काही दिवसांमध्ये मृतांच्या संख्येत घट झाली आहे. मागील दोन दिवसात मृतांची संख्या 100 पेक्षा कमी नोंदवण्यात आली आहे.

स्पेनमध्ये टप्प्याटप्प्याने लॉकडाऊनच्या निर्बंधामध्ये शिथिलता आणली जात आहे. जवळपास दोन महिने घरातच राहणाऱ्या नागरिकांनी निर्बंधात शिथिलता आल्यानंतर घराबाहेर पडण्यास सुरुवात केली.

नागरिकांनी घराबाहेर पडण्यास सुरुवात केल्यामुळे हा निर्णय घेण्यात आल्याची माहिती मिळत आहे. एका हिंदी वेबसाईटने याबाबतचे वृत्त दिले आहे.