कोरोनानंतर अमेरिकेवर आता जीवघेण्या 'मर्डर हार्नेट्स'ची दहशत, घेऊ शकतो अनेकांचा बळी

कोरोनाने संपूर्ण जगात थैमान घातले आहे. अमेरिकेलातर कोरोनाचा सर्वाधिक फटका बसला आहे. आतापर्यंत अमेरिकेत कोरोनामुळे 68 हजारहून अधिक लोकांचा मृत्यू झाला आहे. तर लाखो लोकांना कोरोनाची लागण झाली आहे. असे असतानाच आता अमेरिकेत एका जिवघेण्या किड्याने दहशत निर्माण केली आहे.

आधीच कोरोनापुढे हतबल झालेल्या अमेरिकेत आता 'हा' जीवघेणा किडा पसरण्याची भीती निर्माण झाली आहे. पहिल्यांदाच अमेरिकेत आशियातील सर्वात मोठा हॉर्नेट किडा (गांधीलमाशी) दिसून आला आहे. याला 'मर्डर हार्नेट्स' असेही म्हटले जाते.

सीएनएनने दिलेल्या एका वृत्तानुसार, वैज्ञानिकांचे म्हणणे आहे, की विशेषत: वॉशिंग्टनमध्ये 'मर्डर हॉर्नेट्स दिसून आले आहेत. हे किडे मधमाशांना मारून टाकतात आणि माणसांसाठीही जीवघेणे ठरू शकतात.

मधुमक्षिका पालन करणाऱ्या लोकांनी म्हटले आहे, की त्यांना अनेक मेलेल्या मधमाशा दिसल्या. त्यांची डोकी तुटलेली होती.

या माशा अत्यंत भयानक असतात. वॉशिंग्टन स्टेट यूनिवर्सिटीतील काही तज्ज्ञांच्या मते, मर्डर हॉर्नेट्स 2 इंचांपेक्षाही अधिक लांब असतात

मर्डर हॉर्नेट्सना जगातील सर्वात लांब हॉर्नेटदेखील म्हटले जाते. त्यांने डंख मारल्यानंतर अनेकदा माणसाचा मृत्यूही होऊ शकतो.

मधमाशांच्या पोळावर हल्ला करून हे किडे काही वेळातच सर्व मधमाशांना मारून टाकतात. मर्डर हार्नेट्सचा डंख प्रचंड विषारी असतो.

मर्डर हार्नेट्सच्या डंख मारन्याने माणसाचे नर्व्हस सिस्टमदेखील बंद पडू शकते. यामुळे अॅलर्जिक रिअॅक्शनदेखील होऊ शकते.

जपानमध्ये सहजपणे कुठेही आढळणारा हा किडा तेथे दरवर्षी 30 ते 40 जणांचा जीव घेतो.

मर्डर हार्नेट्स

मर्डर हार्नेट्स