जगभरात मायक्रोसॉफ्टचे सर्व्हर डाउन करणारे 'क्राउड स्ट्राइक' नेमकं काय आहे?
By ऑनलाइन लोकमत | Published: July 19, 2024 02:20 PM2024-07-19T14:20:47+5:302024-07-19T14:32:49+5:30
Microsoft Windows Outage: जगभरातील कॉम्प्युटर ऑपरेटिंग सिस्टीमवर मक्तेदारी असलेल्या मायक्रोसॉफ्ट कंपनीच्या नेटवर्कमधील त्रुटीमुळे शुक्रवारी जगभरात खळबळ उडाली आहे.
मायक्रोसॉफ्टचा सर्व्हर डाऊन झाल्याने जगभरातील कंपन्यांच्या कामकाजावर परिणाम झाला. 'क्राउड स्ट्राइक'मुळे मायक्रोसॉफ्टमध्ये ही गडबड झाल्याचे समोर आलं आहे.
मायक्रोसॉफ्ट सर्व्हरमधील या बिघाडामुळे विमान कंपन्यांपासून रेल्वेपर्यंत जगभरातील अनेक गोष्टींवर लक्षणीय परिणाम झाला आहे. विमानसेवा, बँका, स्टॉक एक्स्चेंज, पेमेंट सिस्टम, दूरसंचार आणि आपत्कालीन सेवा, आरोग्य यंत्रणा आणि ब्रॉडकास्टर सेवा ठप्प पडल्या आहेत.
यामुळे दिल्ली, ब्रिटन, तुर्की, जर्मनी, स्पेन यांसारख्या अनेक देशांमधून सर्व्हरच्या समस्येमुळे काम ठप्प झाल्याच्या बातम्या येत आहेत.
CrowdStrike ही सायबर सुरक्षा फर्म आहे. हे एक व्यासपीठ आहे जे क्लाउड-डिलिव्हरी तंत्रज्ञानाच्या इंटीग्रेटेड सेटचे उल्लंघन रोखण्यासाठी काम करते. सोप्या भाषेत जे सर्व प्रकारचे सायबर हल्ले रोखते.
मायक्रोस्फॉट कंपनीने अपडेट केल्यानंतर ही त्रुटी आली आहे. लोकांच्या स्क्रिनवर येत असलेल्या ब्लू स्क्रीन ऑफ डेथ (बीएसओडी) ला ब्लू स्क्रीन एरर देखील म्हणतात.
भारतात सर्व्हर डाऊन झाल्यामुळे पैशाचे व्यवहार आणि व्यवसायाशी संबंधित अनेक बाबींमध्ये अडचणी येत आहेत. विमान प्रवासाला याचा सर्वाधिक फटका बसला आहे.
एवढंच नाही तर लंडन स्टॉक एक्सचेंज ते अमेरिकेतील ९११ सेवा विस्कळीत झाल्या आहेत. दुसरीकडे, मायक्रोसॉफ्टने ही गडबड प्राधान्याने सोडवण्याचा प्रयत्न करत असल्याचे म्हटलं आहे.