महाराष्ट्रातल्या माणिकांनी सजलेला मोर, गुजरातचे कापड अन्... पंतप्रधान मोदींनी दिल्या खास भेटवस्तू

पंतप्रधान नरेंद्र मोदी यांनी शुक्रवारी लाओसच्या व्हिएंटियानमध्ये जपान, न्यूझीलंड, थायलंड आणि इतरांसह अनेक देशांच्या प्रमुखांची भेट घेतली आणि त्यांना भेटवस्तू दिल्या. आसियान-भारत शिखर परिषदेच्या निमित्ताने झालेल्या बैठकीदरम्यान हे सर्व नेते एकत्र आले होते.

पंतप्रधान मोदींनी जपानचे पंतप्रधान शिगेरू इशिबा यांना चांदीचे नक्षीकाम केले मोराची मूर्ती भेट दिली. ही उत्कृष्ट चांदीची मोराची कोरीव काम केलेली मूर्ती पश्चिम बंगालमधून आणण्यात आली होती.

पंतप्रधान मोदींनी लाओसचे पंतप्रधान आणि त्यांच्या पत्नीला राधा-कृष्ण थीमवर मॅलाकाइट आणि उंटाच्या हाडापासून बनवलेला बॉक्स भेट दिला. या बॉक्सच्या बाह्यभागात राधा कृष्णाची आकर्षक थीम आहे.

पंतप्रधान मोदींनी लाओ राष्ट्राध्यक्ष थोंगलोन सिसौलिथ यांना मीना वर्क असलेली विंटेज पितळी बुद्ध मूर्ती भेट दिली. ही पितळी बुद्ध मूर्ती जटिल मीना (इनॅमल) कामाने सजलेली आहे, जी तामिळनाडूमधून येते. कुशल कारागिरांनी तयार केलेली ही मूर्ती दक्षिण भारतीय कारागिरी आणि बौद्ध तत्त्वज्ञानाचे सार दर्शवते.

पंतप्रधान मोदींनी थायलंडच्या पंतप्रधान पैतोंगटार्न शिनावात्रा यांना लडाख येथून आणलेले एक रंगीत लाकडी छोटे टेबल 'हिमालयन चार्म' भेट दिले. पूर्व आशिया शिखर परिषदेच्या निमित्ताने थायलंडचे पंतप्रधान पैतोंगटार्न शिनावात्रा यांची भेट घेतली. दोन्ही पंतप्रधानांची ही पहिलीच भेट होती.

पंतप्रधान मोदींनी लाओसच्या राष्ट्राध्यक्षांच्या पत्नी नली सिसोलिथ यांना बॉक्समध्ये पाटण पटोला स्कार्फ भेट दिला. पाटण पटोला कापड उत्तर गुजरातच्या पाटण भागात एका कुटुंबाने विणले आहे.

पंतप्रधान मोदींनी लाओचे पंतप्रधान सोनेक्से सिफंडन यांना देवदाराच्या लाकडापासून बनवलेले बुद्धाची मूर्ती भेट दिली. देवदारपासून बनवलेले बुद्धाची ही मूर्ती ही एक अप्रतिम कलाकृती आहे.